MUKHANG may party sa loob ng bahay. Iyan ang unang sumagi sa isip ni Luke noong marinig ang ingay na nanggagaling sa bahay nina Logan. It's a muffled sound yet he knew it so well—tawa iyon ng mga bata. Malayong si Logan ang kakulitan ng mga ito. Umayos man nang bahagya ang relasyon ni Logan sa mga bata, hindi pa iyon umabot sa puntong kaswal na nagtatawanan ang mga ito. Isa lamang ang sagot na posible kay Luke sa ngayon, naroon ang girlfriend ni Logan at nakikipagkulitan sa mga bata.
Irasyunal na inggit at pagkainis. Hindi niya alam kung bakit ganito nalang ang kaniyang paninibugho gayong wala naman siya sa lugar. Ganoon pa man, alam niyang ganito ang emosyon ng mga tao. Hindi mapipigilan kahit pa harangan ng sibat.
"Hoy, bata!"
Luke flinched. Mabilis niyang nilingon ang pinanggalingan ng boses. Naroon si Lola Selma, ang matandang kinatatakutan ng mga bata. Nakatira lamang iilang dipa ang layo mula sa bahay nina Logan. May hawak itong walis at i
