Lumingon si Luke sa direksyon ng entrance ng mall ngunit wala pa rin kahit anino ni Logan. Mukhang matatagalan pa ito bago makahabol sa kanila. Hinabol ng tingin ni Luke ang mga batang naglalaro sa arcade, alam niyang nagugutom na ang mga ito. Kanina pa sila alas kwatro na nandito. Dapithapon nalang at wala pa rin ang uncle ng mga bata. Hindi niya alam kung paano magpapaliwanag sa mga ito.
“We'll go shopping with the kids.” Iyan ang pangako nito sa kaniya. Tuwang tuwa pa naman ang mga bata noong marinig iyon.
"Kuya Luke, wala pa rin po ba si Uncle Logan?" Huminto na sa pagtutulak ng gumagalaw na silya ni Tanya ang nakatatandang kapatid. Tumayo ito sa tabi ni Luke. "He's not here."
"Paparating na 'yon dito. Don't worry." Hinawalan ni Luke ang ulo nito. "How about we play a shooting game? Alam mo, master ako do'n. You can't beat me."
Ngumisi si Travis. "Treat me some ice cream kapag nanalo ako, okay?"
"Sure." Muling sinilip ni Luke ang
