"Hi." bati ng isang lalaking naka-shade sa babaeng nakaupo sa ilalim ng puno na nandito sa parke. “Kamusta na?" muling nagsalita ang binata sabay tanggal sa suot nitong shades.
"Do I even know you?" batid ang pagtataka sa tono ng dalaga ngunit imbis na sagutin siya ng lalaki'y muli na naman itong nagtanong."You were looking for a part-time job, right?""P-Paano mo nalaman?" halos mautal ang babae dahil sa hindi malamang dahilan kung papano nalaman ng isang estranghero ang nasa isip niya."I would like to extend an opportunity to you that could yield a weekly income of 30k." napatingin ang binata sa mga batang naglalaro habang naka-pokus lang sa kanyang mukha ang kausap nitong babae."H-Huh?""Ayaw mo?" baling niya dito"A-Anong klaseng trabaho?" kahit na kinakabahan siya sa inaalok ng lalaki ay may parte pa din sa utak niya ang pagkasabik dahil malaking pera ang kikitain niya at lahat ng problema niya sa pinansyal ay masosolusyunan na."Here's my calling card. Tawagan mo lang ako kapag interesado ka at tsaka ko lang sasabihin kung anong klaseng trabaho ang ibibigay ko." ibinigay sa kanya ng estranghero ang calling card nito bago naglakad palayo. Naiwan siyang tulala at hindi pa din makapaniwala sa halagang kikitain niya sa trabahong inalok.
