CHAPTER 20
SLAP
But it looks like the word happy is not for me.
“A-Anong sinabi mo tita?” nauutal na wika ko. Naguguluhan akong napatingin kay tito Andrius, matigas ang mukha nito na nakatingin sa mga taong nasa harap ko. Nasa pribadong restaurant kami, ang inaasahan kong matatapos na ang lahat ng problema hindi pala. Napatingin ako kay tita Kiara, wala pa rin sa akin ang paningin niya. Katulad ng kanyang asawa ay matigas rin ang kanyang mukha, habang tanaw ang mga taong nasa harapan namin.
“Why don’t you sit up first, Kia?” ani tita Serena. Sa nagdaang minuto ay nakatayo pa rin ang mga kamag-anak ko, ni hindi man lang sila nag abala para umupo. Agad na nilang pinakita na hindi mangyayari ang inaasahan kong mangyayari sa araw na ‘to.
“No need, hindi na kami magtatagal. Alam mo namang walang patutunguhan ang pag-uusap na ito.” Matigas na wika ni tita Kiara. Tinangka kong lapitan si Rezoir nang hawakan ako ni Dalea sa braso.
“W-What are you doing?” nauutal na tanong ko. “T-Tito!” s
