Tahimik ang lahat na nasa lamesa. Namutla naman si Trent sa sinabi lalo at nakita na seryoso ang mukha ng pinsan. Buking na ba sila?
Gustong batukan ni Trent ang sarili na hindi siya nakapagtimpi.
Kahit si Graciella namilog ang mata. Akala niya mahirap lang ang pinsan ng asawa pero bakit may sportscar ito?
Si Harry ang bumasag ng katahimikan. “Ang swerte mo naman may sportscar ka pala, Trent.”
Sumimangot si Menard. Inaabangan ang sagot ng pinsan kung paano nito lulusutan ang mga sinabi kanina lang.
Napalunok si Trent. Ang pinsan nga niya maraming sasakyan at may yate pa. Kung alam lang ng mga naroon na si Kuya Menard niya ang pinakamayaman sa buong angkan nila.
Tumikhim si Trent. “Regalo ‘yon ng kamag-anak ni mama sa akin. Luma na ang sportscar na ‘yon,” saad niya sa mga nag-aabang sa kanya.
Nagkatinginan si Lupita at Roger. Tama nga ang hinala nila na mayaman ang pinsan ni Menard. Mahal na nga kahit ordinaryong sasakyan lang. Gaano na lan
