CHAPTER EIGHT – First Sight

2 days before the MUP Written Examination (Nangyari ito bago pa nagkakilala sina Richard at Ice)

RICHARD’S POV

Malapit na ang written exam ko sa MUP. Kinakabahan ako pero alam ko naman na kakayanin ko ito. Alam ko, makakapasok ako. Nasa National Bookstore ako ngayon bibili ako ng mga gagamitin. Lapis, eraser at saka calculator. Ano kayang magandang lapis na gamitin? Isa, dalawa, tatlo… Tama na siguro ito. Tatlong lapis para kung sakaling maputol, may pang reserba.

“Excuse me” narinig ko na sabi mula saking likuran. “Kukuha lang sana ako ng lapis”

Nakaharang pala ako. Tumabi ako para makakuha ng lapis ang nasa likuran ko. Tiningnan ko siya – isang lalake kaedaran ko at…. Ang cute niya. Di ko maexplain pero bakit ang bilis ng tibok ng dibdib ko habang nakatingin sa kanya? Normal lang siguro kung maramdaman ko ito sa isang babae pero sa lalake? Di ko alam kung bakit. First time ito.

Sinundan ko ang lalake hanggang sa cashier. Dahil sa kakatitig sa kanya, muntik ko na tuloy maiwan ang mga binili ko. Buti nalang, tinawag ako ng staff. Narinig ko na nagtawanan ang mga nakapila kasunod ko.

Para na akong stalker nito. Kahit sa labas ng bookstore, sinusundan ko parin siya. Sino kaya siya? Hindi ko alam kong bakit ko ito ginagawa.

Pumunta siya sa foodcourt ng mall at naupo. Para malapit, umupo ako sa upuan sa bandang likuran niya. Maya-maya, may kinawayan siyang babae. “Girlfriend nya?” natanong ko saking sarili.

“Pinsan, ano, nakabili kana ng mga kelangan mo?” Tanong ng babae sa kanya.

Pinsan niya pala at hindi girlfriend. Nakinig nalang ako sa usapan nila.

“Oo, galing na ako ng National Book Store” sagot ng lalake

“Ano kain na tayo? Ako na ang bibili” sabi ng babae

“Sige”

“Anong gusto mo?”

“Siopao” sabi ng lalake

“Yung paborito mo. Okay”  sabi ng babae sabay alis

Siopao. Yun pala ang paborito niya. Habang kumakain, narinig ko na nagpapasama ang babae sa supermarket. Susunod ba uli ako doon? Biglang tumunog ang aking cellphone. Si Bianca tumatawag.

“Babe?” sabi ko

“Babe, nasaan kana? Andito nako sa may starbucks”

“Sige babe, papunta nako diyan.”

Dali-dali akong tumayo at umalis. Nakalimutan ko. Magkikita pala kami ni Bianca sa Starbucks. Kahit kasama ko na si Bianca, hindi parin mawala sa isip ko ang lalake na nakita ko kanina. Sino kaya siya? Bakit ako nagkakaganito? Hindi ko na alam.