Chapter 2: Mission

Ezra's POV

MAS dumarami pa ang miyembro ng Black Crystal Revolution  at Oo legal ang ginagawa namin. Alam din ng gobyerno ang tungkol sa amin pero walang nakalalabas na impormasyon tungkol sa mga miyembro at iba pang bagay.

Ang  kasalukuyang Commander ngayon ay si Commander Nazi. S'ya ang pumalit kay Commander Alvazar na mismong tatay n'ya pero namatay ito dahil sa isang misyon.

May hinahawakang sagisag ang organisasyon at ito ay ang literal na Black Crystal. Ang sino mang miyembro ng black organization o kung sino man ang may masamang hangarin ang makakakuha noon ay manganaganib ang organisasyon na matagal na pinagka-ingatan ng dating Commander.

Nananatili ang itim na kristal sa loob ng organisasyon. Madaming lasers, CCTV at agents na naka-bantay rito. May bawat patibong na nakalagay sa paligid at hindi ito makukuha ng basta-basta. 

Hawak-hawak ko ang mga papeles na naglalaman tungkol sa kakambal ko. Kung anong misyon ang gagawin n'ya at kung saan dapat siya pupunta, pero nakalagay dito na hindi s'ya nakarating sa lugar kung saan kailangan nilang ilipat ang mga batang kinidnap noon ten years ago.

Medical team ng panahon na 'yon si Chase, dahil 'yon ang mga bagay na pilit kong inaagaw sa kaniya para hindi s'ya matuloy sa pag-alis pero hindi ko pa rin s'ya napigilan. Lahat ng bagay ay itinuturo sa amin. Mag mula sa language, signs, medicines, technology at pati na rin sa combat. 

"I didn't know na 'yan ang rason kung bakit ka sumali sa organisasyon." marahan ang pagkakasabi ni Commander Nazi.

Nandito kami sa meeting room at dalawa nalang kaming natira. Kakabigay lang din n'ya sa akin ng iba pang files patungkol sa mga naganap na misyon ten years ago.

"I just want to find and bring back my twin brother. Ipinapangako kong hindi ko papabayaan ang responsibilidad ko rito habang ginagawa ko ang bagay na 'to Commander." saad ko at ibinaba nito ang anti-radiation glass na suot at matamang tumingin sa akin at bahagyang ngumiti. 

"I told you. No need for any formalities kapag dalawa lang tayo. We both know each other dahil kaibigan ko ang papa mo at sa totoo lang ay nakaka-guilty ang pag iwas ko sa kaniya simula noong sumali ka rito. Natatakot akong baka hindi sinasadyang may masabi akong hindi dapat, anak." napakurap ako at inilapag ang mga papel na hawak. 

Ninong namin ni Chase si Commander Nazi. Noong sumali si Chase dito sa organisasyon ay hindi pa miyembro noon si Commander. Napilitan lang s'yang mag-training at gampanan ang bagay iniwan ng kaniyang ama. 

"Still." Buntong-hininga muna ako bago ito pakatitigang mabuti. "Ayoko sanang makarating ito sa pamilya ko. Aasahan ko ang pinangako n'yong wala kayong pag sasabihan tungkol rito at patungkol sa akin." seryosong saad ko at tsaka ito tumango. 

"Sa totoo lang napapagod na ako. Naiinggit na nga ako sa papa mo dahil may sarili s'yang pamilya. Samantalang ako heto, nakikipag-patintero parin kay kamatayan." malungkot nitong saad.

"Don't worry ninong, nandito pa kami. Pamilya ka din namin. Alam kong mahirap 'to pero marami ka namang natutulungan." wika ko at mas lalong lumungkot ang mukha nito. 

"How ironic." Mapait itong ngumiti at pinipigilan ang sariling h'wag madala ng sariling emosyon. "Did you know na dapat ikinasal na ako five years ago kay Yvette? Pero hindi natuloy dahil muntik ng mapahamak ang babaeng gusto kong dalhin sa altar., At dahil 'yon sa mga nakalaban ng papa, that's why I set her free... kasi 'yon ang hinihingi n'ya sa akin." hindi na nito napigilan ang emosyon at umiyak.

Nanatili lang akong nakaupo at nakikinig lamang. 

Masakit mawalan ng taong mahal mo. Lalong-lalo na kapag pamilya ang nawala. 

"Hoping for your happiness soon, ninong. There's a rainbow always after the rain."

Tumayo na ako bitbit ang mga papeles pero bago pa man ako makalabas ay napahinto ako dahil sa narinig.

"Tutulong ako sa paghahanap kay Chase.," 

Naghahanda ako sa pag-alis ngayon para pumunta sa isang auction. Hindi mga bagay ang naroon kundi mga kababaihan at mga bata ang mga ibini-bid nila.

Hindi ko maintindihan kung bakit nakakaya nilang gumawa ng ganiyang bagay. Oo, hindi ako banal o malinis pero pumapatay ako para mabawasan ang mga demonyong nandito. 

"Ready?" Si Justin na nakamake-up pa at dress.

S'ya ang lagi kong kasama sa kahit na anong misyon. Tinanguan ko lang ito at sinuot ko na ang mask para walang makakita ng mukha ko. Si Justin ang papasok sa entrance at manunuod sa auction at galaw ng mga tao roon.

Habang ako naman ang maglalabas sa mga babaeng ibi-bid nila mamaya. 

"Humanda sila sa atin." nakangising sabi ni Justin at agad ko ng pinaandar ang kotse.

Sinuot ko na rin ang earpiece para makapag-usap kami kahit hindi kami magkasama.

"May nabasa ako tungkol sa black organization. Magkakaroon ata sila ng botohan tungkol sa ranking ng mga mafia boss.." kwento nito habang chini-check ang itsura sa salamin.

"Nabasa ko na din 'yan. Sigurado akong mapapalitan si Vladimir sa ranking." sambit ko at napangisi naman s'ya sa narinig.

Para maging isang mafia boss kailangan mayaman ka. Isa 'yan sa mga requirement para makasali ka sa black organization.

Ang black organization naman doon nila ginagawa lahat ng mga ilegal na gawain. Kaya hindi namin sila magiging kakampi. Ang bawat tao na kasali sa black organization ay may kanya-kanyang grupo at may mga sariling leader o boss.

Minsan heredity ang nangyayari, once na ang mga magulang mo ay mafia boss matik ng ang panganay na lalaking anak ang magiging mafia boss sa hinaharap. Kung hindi man panganay basta, lalaki. 

"Alam mo buti nalang hindi naligaw ng landas ang tatay ko at hindi sumali sa black organization dahil kung hindi- ako ang magiging mafia boss, shutanesss!" Napatango naman ako at inihinto na ang sasakyan sa parking lot.

"Mag-iingat ka. Kung may kakaiba sabihin mo sa akin kaagad." paalala ko sa kanya at sumaludo pa ito sa akin at ngumiti.

"Aye Captain!" 

Sumakay na ako sa elevator na nandito sa parking lot. Walang taong dumadaan rito dahil hindi naman dito ang main entrance. Pinindot ko ang 28th floor kung saan nandoon ang mga babaeng ibibenta. Mabuti nalang at walang CCTV sa parteng ito. 

"Captain?" 

Marahan kong idiniin ang earpiece na nasa kanang tainga ko para marinig ng maayos ang sasabihin ni Justin. 

"What?" Malamig kong tanong rito at naghahanda para sa pag bukas ng elevator.

Madilim ang hallway at mukhang sinadyang hindi pailawan. Dahan-dahan akong lumabas sa elevator at sinisiguradong maski ang paglalakad ko ay hindi maririnig habang hawak ang baril sa dalawa kong kamay. 

"Natatae ako, gagi."

Napairap ako sa narinig. Hindi ko alam kong seryoso ba s'ya o hindi sa pinagsasabi n'ya, pero kailangan pa bang sabihin sa akin?

"Siguraduhin mong hindi ka papalpak d'yan." may pagbabanta sa boses ko at narinig ko pa s'yang tumawa. 

Dederetso na sana ako pero agad akong napatago sa likod ng poste dahil may narinig akong paparating. 

"Siguraduhin n'yong maayos ang lahat. Ayokong maudlot ang perang mapapasa akin ngayong gabi, bantayan n'yo lahat ng pwedeng daanan... Naiintindihan n'yo!?"

"Yes sir!!"

Bakit parang pamilyar sa akin ang boses na 'yon? Tsk. 

"Captain, anong ganap d'yan?" 

Lumabas na ako sa pinagtataguang poste dahil nakaalis na ang mga lalaki kanina. Isa-isa ko ring tinitingnan ang bawat kwarto. 

"Nandito na ako sa 28th floor. Hahanapin ko kung saang kuwarto sila nakakulong." seryoso kong sabi at narinig ko pa sa kabilang linya na para bang may kausap si Justin na lalaki.

Tsk.

Pinihit ko ang pinto ng pang huling kwarto. Kakaiba ang pinto ng isang 'to dahil may design at kulay gold din ang kulay. Bigo akong buksan 'to dahil sa pagkaka-locked. Agad kong kinuha ang pin na nasa aking buhok at isiniksik sa door knob. Nabuksan ang pinto at bumungad sa akin ang mga babaeng animo'y takot na takot. 

"S-Sino k-ka?"

Agad akong lumapit sa kanila at isa-isang tinanggal ang pagkakatali sa kamay at paa ng babaeng malapit sa akin.

"Tulungan mo silang matanggal ang tali!" Utos ko at iniabot ang isa pang kutsilyo.

"T-Teka? Hindi mo kami ibebenta?" Tanong ng isa sa kanila pero hindi na ako nag-abala pang lumingon.

"Ililigtas ko kayo, makakaalis na kayo rito.." saad ko at ang iba naman ay nag-iyakan at nagpa-salamat sa akin.

Matapos ang ilang minuto ay maayos na at wala ng tali ang kamay at paa nila. Inihanda ko na rin ang baril ko.

"This is Justin a.k.a Fire 00038. Malapit ng mag-umpisa Captain Sierra, makaka-alis na ba kayo d'yan?"

"Five minutes left, Fire." sambit ko at akmang lalapit na sa pinto para buksan ito nang pigilan ako ng isa sa kanila.

"A-Anong pangalan mo? Puwede ba naming makita 'yung mukha mo bago kami maka-uwi sa pamilya namin?" 

"O-Oo nga naman. Sige na po!"

Narinig ko pa ang pagtawa ni bakla sa kabilang linya. 

"Ipakita mo na beshi! Hihihi."

Wala na 'kong nagawa kundi agad na tanggalin ang balabal na nakabalot sa mukha ko pero agad ko rin naman itong sinuot. 

"Wow. Ang ganda mo pala!

"Para kang anghel!"

"Hulog ka ng langit sa amin!"

Agad ko ng binuksan ang pinto at pinalabas sila. Mamaya ay may darating na pulis rito at sila ang magdadala ng mga babae sa ospital, dahil halos lahat sila ay may pasa o sugat sa katawan.

"Kailangan n'yo ng makababa d'yan Captain!"

Mas binilisan ko pa ang paglalakad. Pero napahinto kami dahil nakasalubong namin ang dalawang lalaking may dala pang pagkain. Mukha itong gulat na gulat sa nakita pero agad ko itong binaril maging ang kasama n'ya.

Hindi kami puwedeng maabutan ng kahit na sinong awtoridad rito, pero nakarinig na agad ako ng putukan ng baril kung saan gaganapin ang pag bi-bid.

"Anong nangyayari d'yan?!" Tanong ko kay Justin.

"May mga dumating Captain, binaril nila 'yong mga masasamang damo rito. Hindi ko alam kung sino sila!" 

"Umalis ka na d'yan!" Utos ko pero hindi na ito nagsalita pa.

Shit! Wala ito sa plano!

Ano ba kasing pinaggagagawa ng taong 'yon? Daig n'ya pa ang wala lagi sa sarili! Humanda talaga s'ya sakin sa oras na malaman kong nagpabaya s'ya!

Kinuha ko ang tracking device at papalayo na ang red dot sa mismong kinaroroonan ko. 

Nakita ko namang kinuha na ng mga pulis ang mga babaeng planong ibenta ng sindikatong walang kasing sama! Sana lang ay maging maayos ang buhay nila pagkatapos ng naranasan nila dito. Siguro ganito talaga ang mundo, hindi patas lumaban ang mga taong kampon ni satanas

Bakit kung sino pa 'yong masasamang damo sila pa 'tong nabubuhay ng matagal! 

Sisiguraduhin kong pagbabayaran ng kung sino mang may kagagawan nito sa mga babaeng kinuha n'ya para lang magka-pera s'ya. Those girls don't deserve to be involved such thing like this! I hope na makabangon sila agad matapos ang pangyayaring 'to. 

Napapitlag ako ng maramdamang nagba-vibrate ang cellphone ko sa bulsa. Agad kong kinuha ito at nakita kong si Cody ang tumatawag, ano namang kailangan ng isang 'to? Tsk. Mabilis kung in-off ang cellphone at umalis na sa building para sundan si Justin. 

Napabuntong hininga ako bago sumakay sa kotse, that Justin is getting into my nerves! Marunong naman sana s'yang makipag-laban pero mas pinili n'yang sumama sa mga lalaking 'yon?! Tsk. 

Wala na talagang pag-asa ang isang 'yon. Lunod na lunod na sa pagiging beki. I must admit by now na kahit papaano ay nakakalimutan ko ang mga problema ko dahil sa mga kalokohan n'ya, he's a good friend though. 

Tamad akong nag-drive at hindi na nakipag-karerahan pa sa mga kotseng nasa daan at nakikipag-siksikan sa iba. Ayokong maging reckless driver. Darating din naman ako doon, hahayaan ko munang mag-enjoy si Justin sa mga lalaking kasama n'ya. Tsk. 

Basta gwapo talaga wala s'yang pinapalampas. Kaya naman n'yang labanan at patumbahin ang mga 'yon pero mas pinili n'ya pang magpa-kidnapped! Naalala ko rin si Vladimir na ang bilis makatakas, tsk. 

Bakit ba nawalan kami ng koneksyon kanina? Okay naman 'yong earpiece at walang sira? Nakakaasar talaga! Imbes na makakauwi agad ako heto't kung saan-saan pa muna kami nakakarating. 

-

Please stay tuned for more upcoming chapters! I hope you like it. Comment and rating of this story are well appreciated! God bless and stay safe. Lovelots!꒰⑅ᵕ༚ᵕ꒱˖♡