Mabilis na naglayag ang paningin ko sa paligid nang marinig ko ang kaluskos at mga yabag mula sa 'di kalayuan, kung nasaan ako naroon. Matatas na puno ang nakapalibot sa akin at mga damong malalago kung saan may nagtatagong nilalang. Naging alisto ako at tila naka-fight mode agad ang sistema ko para sa pwedeng mangyari.
Dahan-dahan akong humakbang paabante habang pinapakiramdaman ko ang paligid dahil alam kong sa dilim maaaring mayroong nakatagong taong lobo na para sa akin isang kaaway kahit na sa physical na kaanyuan, kapareho ko sila.
Pumosisyon ako nang lumakas ang kaluskos mula sa malalagong damo. Alam kong parating na ang nilalang na 'yon at kailangan kong maging handa.
Napaatras ako nang lumabas mula sa malalagong damo ang tatlong malalaking baboy ramo na handang-handa nang sumugod para gawin akong gabihan pero hindi ko sila papahintulutang gawin iyon dahil hindi ako pinanganak para lang gawing pagkain ng kahit na sinong nilalang.
Kinondisyon ko ang aking sarili para magpalit anyo. Hindi ko sila magagawang tapatan kung dalawang paa ko lang ang nakalapat sa lupa. Kailangan ko pa ng dalawang mga paa para pantayan sila.
Naramdaman ko ang utay-utay na pagbabago sa katawan ko. Ang kulay ng mga mata ko'y naging kulay asul na tila isang kalangitan. Ang mga ngipin ko'y pumosisyon at nagkaroon ng pangil. Ramdam ko kung paano humaba ang matitilos kong kuko at ang paglabas ng puting balahibo sa buo kong katawan. Para bang nababali ang mga buto ko at muli itong nabubuo sa ibang hugis at mas lumalaki ang mga ito.
"Grrrr!" tila naninindak na boses ng mga baboy damong gutom. Humakbang ang mga ito at pinalibutan ako.
"Grrr!" ganti ko para ipakitang hindi nila ako masisindak. Humakbang ako paatras para dumistansiya at humanda sa magiging atake ng mga gutom na baboy na ito.
Mabilis ang mga mata ko kaya't nakita ko ang tumalong baboy damo patungo sa akin, sinalubong ko siya at bumagsak kami sa lupa na siya ang nasa ilalim. Nagpipiglas ang baboy damo habang sinusubukan kong ibaon ang mga kuko ko sa katawan niya. Kaya lang biglang naramdaman ko ang pagdagan sa akin ng isa pang baboy damo.
Mga galit na girian ang maririnig sa gubat na iyon.
Buong lakas na tumalon ako kasama ang baboy ramo sa likod ko, tumalbog siya palayo at nakita ko ang paghampas niya sa malaking puno. Sumugod ang isa pa, tumalon ako at bumaba sa likod niya. Muli akong tumalon at sa paglapag ko, isang kalmot ang iginawad ko sa baboy damo. Narinig ko ang boses niya na dulot ng sakit.
Tumalon muli ako dahil alam kong pasugod ang isa pa. Isang iglap lang ay tumalbog na siya sa malaking puno at bumagsak sa lupa ng nanghihina. Alam ko ang kapasidad ko sa laban at alam ko ring sapat ang aking lakas para maitapon ang mga iyon.
"Grrr!"
Umatras na ako at mabilis na tumakbo palayo sa gubat na iyon. Malalaking puno at malalagong damo ang dinadaanan ko at tila isa akong kotseng tumatakbo ng sobrang bilis.
Nang marating ko ang bahay sa gitna nang gubat na iyon, bumalik na muli ako sa dati kong anyo. Wala na akong saplot kaya kinuha ko ang damit na naroon sa labas at sinuot iyon.
"Saan ka na naman ba nanggaling, Syrie?" salubong sa akin ni Trina. "Kanina ka pa naming hinahanap."
Hindi ko siya pinansin, dire-diretso lang ako patungo sa kusina para uminom ng tubig.
Sanay na akong makipaglaban sa mga mababangis na hayop sa gubat at nagbibigay 'yon sa akin ng satisfaction na hindi ko maipaliwanag.
"Umalis ka na naman, Syrie? Why didn't you tell me?"
Humarap ako kay Vernon na seryoso ang mukha habang nakatingin sa akin. Ang maputla niyang mukha pero naglalaman ng magagandang hugis roon na hindi maikakailang napakagwapo niyang bampira.
"Do I need to do that, Vernon? Kaya ko na ang sarili ko at hindi ko na kailangang magpaalam pa kung aalis ako o hindi. I'm not a child anymore." Humakbang ako patungo sa sala at narinig ko ang pagsunod nilang dalawa.
"Don't be so stubborn, Syrie kahit kabisado mo na ang gubat hindi ka pa rin dapat lumalabas ng mag-isa. Hindi lahat ng nilalang sa gubat na ito kilala mo at alam mo ang kakayahan. Paano kung matagpuan ka ng grupo ng mga lobo?"
Umikot ang mga mata ko sa sermon ni Vernon na kahit iba-iba ang salitang ginamit, iisang lang ang ibig sabihin-huwag akong lumabas mag-isa.
"Tama si Vernon, Syrie hindi sa lahat ng oras kaya mo ang sarili mo," segunda naman ni Trina.
Umupo ako sa upuan sa sala at itinukod ang noo ko sa aking daliri. Naririndi na ako sa sermon ng mga ito, eh.
"Haist! You guys worrying for nothing. Hindi naman ako tanga para ipahamak ang sarili ko. Hindi pa ako nagsisimulang maghigante, Vernon at hindi ko sasayangin ang buhay ko," ani ko na may diin sa mga huling salita.
"As I expected," mahinang sabi ni Vernon na nasapo na lang ang noo.
"Siyanga pala where's Persuz?"
"Pinatawag raw ni Volter," sagot ni Trina.
Tumango-tango lang ako at hindi na umimik.
Magkapatid si Trina at Vernon at kapwa sila pinsan ni Volter na tinuring kong kapatid. Kapwa sila mga bampira at ako lang ang natatanging taong lobo sa matataas na pamilya ng mga bampira. At dahil doon kaya ako humiwalay kay Volter. Naiiba ako at maraming bampira ang tumututol sa akin na manatili roon.
-
"SIGURADO ka bang hindi na kita kailangang samahan, Syrie?" tanong ni Trina habang inaayos ko ang sarili ko para pumunta kay Volter. Nagpadala kasi siya ng bampira rito para sabihing pumunta ako sa kaniya.
"Just stay here, Trina," hindi lumilingong sabi ko. "Hintayin mo na lang si Vernon at sabihing pinatawag ako ni Volter."
Humarap ako sa kaniya at nagpaalam na. Sumakay ako sa kabayo at mabilis na pinatakbo iyon.
Habang mabilis na tumatakbo ang kabayo, nagulat ako at nabahala nang huminto ito, muntik pa akong mahulog sa likod ng kabayo na alam kong nababahala dahil sa nilalang na nasa paligid. Ginalaw ko ang tali ng kabayo para pakalmahin siya pero mukhang wala iyong epekto dahil mas lalo pang naging agrisibo ang bawat galaw nito.
Pagkababa ko sa kabayo, mabilis itong kumaripas ng takbo patungo sa kung saan, hinayaan ko na lang dahil alam kong muli na naman akong sasabak sa laban.
Suminghot ako para maamoy ko kung anong nilalang ang nasa paligid. Malapit lang sila at alam kung anumang sandali ay susugod na ang mga ito. Napakunot ang noo ko subalit hindi mababangis na hayop o taong lobo ang nasa paligid, kung 'di mga bampira.
Umatras ako habang umiikot ang aking paningin sa paligid. Kumaluskos ang malagong damo. Hindi iisa, kung 'di maraming kaluskos sa paligid. Lalo akong naging alisto. Alam kong hindi ako sasantuhin ng mga bampirang iyon kahit pa kakampi ang turing ko sa kanila.
"A woman werewolf. Hmm!"
Mabilis akong bumaling sa pinagmulan ng boses at nakita ko ang lalaking nakangisi na tila sabik na ibaon ang matutulis na pangil sa aking leeg.
"Swerte naman natin, bro," winika naman ng isa pang lalaki na lumitaw sa kabilang bahagi.
"Matagal-tagal na rin simula no'ng nakapatay ako ng isang taong lobo," sabi ng naunang lalaki habang malalim ang tingin sa akin.
"Can we join us?"
Lumingon naman ako sa babaeng nagsalita at nakita ko ang dalawang babaeng bampira na kapawa may mahabang mga buhok. Nakasuot din sila ng jacket na kulay black. Ganoon din ang dalawang lalaki. Sadya bang mahilig sa black ang mga bampira?
Ngumisi ako. "It will gonna be fun." Binigyan ko sila ng palabang mga tingin, saka pumosisyon para ihanda ang aking sarili.
"It will," sagot ng ikalawang lalaki.
Hindi ba nila ako kilala? Tinuturing akong kapatid ni Volter at siguradong lagot ang bampirang gagalaw sa akin.
Nakita ko kung paano magpalit ng anyong ang mga bampirang mapuputla. Ang mga mata nila ay mabilis pa sa alas kwatrong naging pula. Humaba ang mga pangil nila at naging matitilos ang kanilang mga kuko na tila isang matalas na kutsilyo.
Binuka ng mga bampira ang kanilang mga kamay habang nakalabas ang mga pangil na parang nanggigigil sa akin. Sinuklian ko naman iyon.
"Grrr!" Saka inilabas ko ang mga ngipin kong mapuputi. "Hindi niyo ba ako nangakikila? Pagsisisihan niyo ang kapangahasan niyo."
"Kailangan pa ba naming kilalanin kung sino ka?" tanong ng isa at nagtawanan sila.
"Sa tingin mo ba kaya mo kaming lahat?" tanong ng isa sa mga babaeng bampira.
"What do you think, girl?" mataray kong balik. "Hindi ako naging taong lobo para lang talunin ng mga pipitsuging bampirang kagaya niyo," dagdag ko.
Gumuhit ang inis at galit sa mukha ng mga bampira na tila kahit anong segundo ay susugod na sila. Sila marahil ang ilan sa nga bampirang hindi ako gusto.
"Masyado kang mayabang," balik ng unang lalaking sumulpot.
"Well, kung 'yon ang opinyon mo, eh, 'di sige," nang-iinis kong bato sa kaniya, saka tumawa.
"Huwag ng maraming salita, laban kung laban," sabat naman ng isa pang babae.
Nagtinginan ang mga bampira at nagtanguan. Naging handa agad ako, umatras ako para dumistansiya.
Kita ko sa gilid ng mga mata ko ang pagsugod ng dalawang lalaki at sa kabila naman ang pagsugod ng dalawang babae. Kinalkula ko ang magiging galaw ko. Hindi pa ito ang panahon para maging taong lobo ako. Tumalon ako nang malapit na sila, napatingala ang apat ng sabay-sabay. Mabilis akong bumagsak sa likod ng dalawang lalaki at hinawakan ang kanilang mga damit. Buong lakas ko silang binuhat at tinapon sa malagong mga damo.
Mabilis ang pagkilos ko, tumalon muli ako nang sumugod ang dalawa pa. Halos sabay silang nagpakawala ng suntok at kalmot na agad kong naiwasan. Sinubukan pa nila akong sipain na naiwasan ko rin sa pagyuko ko. Ako naman ang nagpakawala ng mga suntok, naiwasan nila ang ilan doon pero hindi ko hinayaan na hindi ako makakatama sa kanila. Napaigtad sila nang tumama ang suntok at sipa ko sa kanila.
Nakabangon na ang dalawa mula sa pagkakahagis ko, mabilis silang nakalapit sa akin, ginawaran nila ako ng suntok kaya naman tumalbog ako sa kung saan. Napangiwi ako pero mabilis din akong nakabawi. Hindi ako ang tipong ganoon lang kadaling mapabagsak.
Tumakbo ako patungo sa dalawang lalaki, alam ko nang gagamitin nila ang mga bilis nila pero hindi nila alam na gagamitin ko ang mabagal na galaw para makita ko kung saan sila titira. Binuka ko ang dalawa kong kamay, saka pumihit patalikod at doon ko nahuli ang leeg ng dalawang lalaki pero nakalimutan ko ang dalawa pa, huli na. Pero ganoon na lang ang pagtataka ko dahil walang lumapat sa aking kahit ano at narinig ko na lang ang pagdaing ng dalawang babae sa sakit. Dahil doon, mas hinigpitan ko ang pagkakahawak ko sa leeg ng dalawang lalaki. Buong lakas ko silang itinapon. Kita ko ang paghampas nila sa malaking puno kasunod ang paglaho nila.
"You, okay?"
Pumihit ako paharap sa lalaking may baritonong boses. Alam ko, hindi siya normal na taong lobo. Nararamdaman ko ang kakaiba niyang presensiya.
"Did someone told you to help me?" mataray kong sabi sa matipunong lalaki na nagmamay-ari ng magandang hulma ng ulo't mukha. Tila masyadong ginalingan ang pagbuo sa lahat ng parte ng mukha niya. Ang makakapal na kilay, matangos na ilong, kulay asul na mga mata na medyo malalim kung titingnan at ang medyong makapal niyang labi na parang kasing lambot ng mamahaling kama.
Nagulat ang lalaki sa tinuran ko. Hindi siya makapaniwala na sa kabila ng pagtulong niya nagtaray pa ako.
"Huh?"
"Do you think I will praise you just because you helped me? No way! I can fight by myself at hindi ko kailangan ng tulong ng kahit na sino," mayabang kong litanya.
Isa siyang kaaway at hindi ko kailangang makapante o makaramdam ng gaan ng loob.
Hindi makapaniwalang ngumiti ang lalaki. Napasinghap pa siya. "Hindi ko alam na may katulad mo pala sa lahi ng mga taong lobo. Tinulungan kita because the situation needed it. Hindi ba pwedeng magpasalamat ka na lang. Iisang lahi lang ang pinagmulan natin."
Ngumisi ako. "As you wish! Hindi ako magpapasalamat sa 'yo and besides I do not belong to your breeds...I'm different!" inis kong sabi. "Matagal na akong hindi kasama sa inyo at kahit kailan hindi magiging sa inyo."
Mabilis akong tumakbo palayo sa lalaking iyon. Alam kong kalaban siya pero bakit hindi ko sinimulan sa lalaking 'yon ang paghihigante ko?
Sumalubong sa akin ang maraming bampira na nakakalat sa lugar kung saan nakatira si Volter. Lahat sila nakatingin sa akin kalakip ang takot sa kanilang mga mata. Ni isa sa kanila walang gustong lumapit. Ganoon ba talaga ako ka-intimidate na kahit dumaan lang ako babakas na sa mga mukha nila ang takot? Simula nang mamatay ang mga bampirang kinilala kong mga magulang, hindi na ako nanatili sa lugar na ito dahil pakiramdam ko sobrang sikip na nito para sa amin ni Volter. "Miss Syrie, kanina pa po kayong hinihintay ni Pinunong Volter," salubong sa akin ng babaeng nakapwesto sa entrance ng bahay. Tumango lang ako at sumunod sa kaniya. Bumukas ang pinto ng silid kung nasaan si Volter, nakaupo siya sa swivel chair habang naka-de kwatro at nakangiti. "Welcome to our house, Syrie," aniya. Kumunot ang noo ko. Hindi ito ang inaasahan kong ibubungad niya sa akin. Sinuri ko ang mukha niya pero blangko iyon na tila
Maraming tanong ang ibinato sa akin nila Vernon at Trina nang makauwi ako nang nagdaang gabi habang si Persuz, tahimik lang sa isang tabi. Sino nga naman ang hindi magtatanong kung uuwi kang suot ang damit ng lalaki at walang pang-ibaba kung di isang Jacket. "Mukhang malalim ang iniisip mo, ah?" Agad akong nabalik sa huwisyo at lumingon kay Trina na nagtataka. "Oh? Akala ko umalis ka kasama nila Vernon?" tanong ko. "Hindi ako sumama," aniya. "For sure mangha-hunt na naman sila ng mababangis na hayop at mas gusto kong maghintay ng sariwang dugo." Sa lahi ng mga bampirang kinagisnan ko, iilan na lang sa kanila ang hindi umiinom ng dugo ng tao at isa roon sila Trina. Iyon ang isang dahilan kung bakit ayaw kong bumalik kay Volter, hindi ko kayang makita kung paano sila pumatay ng mga inosenteng tao at kung paano nila ikinakalat ang pagiging bampira. Naniniwala kasi akong hindi
"Kumusta ang plano, Syrie did it work?" usisa agad ni Trina kasunod si Vernon nang madatnan ko sila sa bahay. Dumeretso ako sa sofa at hinarap silang seryoso ang mukha. Tumango ako. "Mukhang gumagana naman ang plano," pagkumpirma ko. "Pero hindi ko alam kung hanggang saan aabot ang planong ito," dagdag ko. "Bakit? Paano mo nasabi?" tanong naman ni Vernon. Huminga ako ng malalim. "Alam nating hindi siya basta-bastang taong lobo, he's not that idiot na madaling paikutin." "Then, act normal," ani Trina. Tumango naman si Vernon. "At saka, mukhang iba ang tingin sa 'yo ng lobong 'yon, hindi ba?" dagdag pa niya na may kasamang panunukso. Ngumiti ang magkapatid at nagtinginan pa. "Anong pagtingin? Ginagawa lang niya ang lahat ng 'yon para umanib ako sa kanila na hindi kailanman mangyayari." Umikot ang mga mata ko at humalukipkip. "Oo nga pala, nasaan si Persuz?"
"Huh? Ginawa mo 'yon, Syrie?" gulat na reaction ni Vernon ng malaman niya ang mga naganap at ang pagkompronta ko kay Volter. Tumango ako. "Hindi ko alam kung bakit naniwala ako kay Marcus." "Pero bakit gusto kang patayin ng mga taong lobo na 'yon kung kasapi na sila ni Volter?" tanong naman ni Trina. Seryoso akong tumingin kay Trina maging si Vernon. "Anong ibig mong sabihin?" "Nakakapagtaka lang kasi, Syrie." Saglit siyang huminto. "Kung nagsisinungalin si Marcus, bakit niya pinatay ang mga kalahi niya? Hindi rin ito ang unang beses na sinubukan kang patayin ng mga alagad ni Volter. Kung hindi si Volter baka may ibang taong nasa likod nito," mahabang paliwanag ni Trina sa konklusyon niya. Hindi ako nakaimik. Tama si Trina, hindi lang naman ito ang unang beses na gusto siyang patayin ng mga kakampi ni Volter. Kung hindi si Volter sino? Bampira ba o lobo ang nasa likod ng pag-atakeng iyon? "At sino naman ang gagawa nito sa iyo?" nagtata
"Anong ginagawa mo rito, Volter?" gulat kong bungad nang bigla na lang sumulpot si Volter mula sa kung saan. "I'm here to visit your place, Syrie kung komportable ka ba rito o baka gusto mo ng another place to live," sagot niya na nagpakunot sa noo ko. Inilibot ni Volter ang mga mata niya sa paligid, tinitingnan ang bawat sulok ng bahay. "I don't need, Volter komportable na ako sa lugar na ito," pagtanggi ko sa gusto niyang sabihin. Kumibit-balikat si Volter. "Kung 'yan ang gusto mo, pero tandaam mo welcome ka pa rin sa mansiyon kapag nagbago ang isip mo," aniya, saka umupo sa sofa habang nakadipa ang mga braso sa sandalan niyon. Umupo ako malapit sa kaniya habang tinitingnan ko ng seryoso ang mukha niya. Alam kong hindi lang 'yon ang pakay ni Volter kung bakit siya nandito. "Anong kailangan mo, Volter?" diretsa kong tanong nang makaupo ako sa katapat niyang sofa. Wala akong oras para
KINAUMAGAHAN, maaga akong naghanda para mangaso sa gubat. Hindi ko na maalala kung kailan 'yong huling pagkakataong nangaso ako. Nami-miss ko nang mang-hunting ng mababangis na hayop at patayin sila. Isa na rin 'yon sa paraan ng pag-e-ensayo ko at nagbibigay ng libang sa akin. "Oh, sa'n ka pupunta, Syrie?" bungad ni Trina na kalalabas lang sa silid niya. Inayos ko ang leather jacket na suot ko. "Sa gubat, mangangaso," simple kong sagot. "Matagal na rin kasing hindi ko nagagamit ang kakayahan ko sa paghuli ng mababangis na hayop," dagdag ko. "Are you with, Marcus?" Saglit akong natahimik at kapagkuwa'y umiling. "Hindi. ako lang ang aalis, Trina," sabi ko. Naalala ko ang huling pag-uusap namin ni Marcus. Napangisi ako nang maalala ko ang kagustuhan nitong magkaroon ng kapayapaan para sa lahat. Isang suntok iyon sa buwan. Sa ngayon, gusto ko munang mag-isip ng magandang
WALANG pakundangang pinasok ko ang bukana ng mansiyon, maraming nakatingin na mga mata sa akin, ang ila'y hindi natutuwa na makita ako roon. Hindi na 'yon bago. Ang ilan pa'y napapaatras sa pagdaan ko sa kanila. Dapat lang nila akong katakutan dahil kahit sino sa kanila na gumawa ng bagay na hindi ko magustuhan, hindi ko sila sasantuhin. Nang makapasok ako sa malaking bahay na iyon, lumingon ako sa paligid at may ilang mga bampira doon at mayroon ding mga lobo na tuluyan nang umanib kay Volter. In some way, makatutulong 'yon sa plano ni Volter na gamitin ang lahi ng lobo laban sa sariling lahi nito. Nakararamdam ako ng pagkasabik at pangungulila nang maramdaman ko uli ang yakap ng bahay na ito, ang mga alaalang nabuo ko kasama ang pamilyang kinikilala ko. Ang mga tawa at harutan na hanggang ngayon, nasa puso ko na tanging nagpapaalala sa kanila sa tuwing nangungulila ako. Sa totoo lang, nami-miss ko ang tahanan na 'to,
MALUNGKOT na tiningnan ko si Yena na tahimik na nilalaro ang isang manika na nakita ko pa sa lumang mga gamit ko at ibinigay ko sa kaniya. Nalulungkot ako sa bata dahil alam kong nami-miss na niya ang mga magulang niya, kagaya ko. Dalawang araw na siya rito at alam ko ang pakiramdam na malayo sa mga magulang kahit sa loob lamang ng maikling panahon. "Look, Ate Syrie ang sexy nang manika," masayang sabi ni Yena sa akin. Ngumiti ako. "Parang ikaw, 'di ba? Ang sexy mong bata," balik ko sa kaniya. "Hindi po, Ate Syrie parang ikaw po kasi ang sexy mo at ang ganda pa." Na-flutter naman ako sa papuring iyon ni Yena sa akin. "Yena, may kapatid ka ba sa inyo?" Marahil kung hindi niya magulang ang dalawang nakita ko sa gubat, maaaring kapatid niya iyon. Tumango ang bata habang nakagiti. Napa-cute. "Kapatid ko po si Ate Rossa," aniya. "Sexy po din siya kagaya niyo," masayang da