Chapter 78

Muli ay parang pinipiga ang aking puso dahil sa mga nangyayari ngayon. Napabuntong-hininga ako at saglit na pumikit.

Si Vincent... siya lamang ang kalaban ko na makakayang pasukin ang puso ko. Na k-kahit paulit-ulit niya pa akong masaktan, pagbubuksan ko pa rin siya ng pinto. Na kahit gaano kataas ang harang na binuo ko ay magigiba pa rin ito sa oras na naisin niya.

Maaaring... tanga ako. Pero tulad nga ng sabi ni Vincent... ngayong gabi lamang ito.

Kung ganoon ay hahayaan ko ang sarili kong magpakatanga sa loob ng isang sandali.

"You said that it's an order, Vincent. But I am the boss." Dumilat ako at ngumiti. "Pero yes, pumapayag akong kalimutan na magkalaban tayo ngayon ngayong gabi..."

Alam kong nakangiti na ngayon si Vincent kahit hindi ko siya magawang makita. Tila ay tumalon ang puso ko sa saya at kapayaan na nararamdaman ngayon.

Just for once, gusto kong maranasan muli ito.

Ang kapayaan na matagal nang nawala sa akin.

Kahit ngayon lang... nais kong kalimutan ang magulong buhay