CHAPTER 12

    “ANG akala yata ni Monica ay mapipigilan niya ako sa pagtakbo ko rito sa Plaridel. Akala niya yata porket anak ko siya ay susundin ko ang gusto niya. Esta equivocada! Ako pa rin ang masusunod sa pamamahay na ito, mi esposo...”

Nakatayo si Valentina sa malaking oil painting ng kaniyang namayapang asawa na si Bernard Montealta. May hawak siya sa isa niyang kamay na isang baso ng mamahaling whiskey. Hatinggabi na ngunit mailap ang antok sa kaniya kaya naisipan niyang uminom at napunta siya sa parteng iyon ng kaniyang bahay.

Nakalagay ang naturang oil painting sa pinaka malaking dinging sa library. Dati ay nasa may salas iyon pero simula nang mawala na ang kaniyang mister ay pinalipat niya ang painting nito sa library at pinalitan niya iyon ng painting niya. Siya na kasi ang nagmamay-ari ng bahay na iyon kaya ang mukha niya dapat ang unang mabubun