Kabanata 3

ALIYAH'S POV

"Kamusta ang dinner date ninyo ni Reid?" kuryosong tanong sa akin ni Mama nang makauwi ako nang gabing iyon.

Pinatawag nila ako ni Papa sa opisina nila sa mansion. Halata sa mga mata nila ang pagkaexcite sa pagsasabi ko ng bawat detalye. Ngumiti ako habang nasa likod ang dalawang kamay.

"It was good, Mama."

"Nagustuhan ka ba niya, hija? Anong mga pinag-usapan ninyo?" si Papa naman ang nagtanong.

"We talked about the business, Papa. He knows everything about our company," sagot ko, habang pinagbubuhol ang mga dalawang daliri sa aking likuran.

"That's for sure. And do you think he likes you? I mean you'll know it at first sight, right?" maingat pa na tanong ni Papa.

I breathed heavily and nodded as a response. Pumalakpak naman ang natutuwang si Mama.

"That's a great start, hija!" Lumapit si Mama at sa akin at niyakap ako. "You're such a good girl. I know you'll never disappoint us!"

"Of course, Mama." matipid akong ngumiti.

Tsaka palang ako nakahiga ng maayos nang makalabas ako ng opisina ng mga magulang ko. He likes me? Umangat ang dulo ng labi ko. I shook my head as I recall how Reid acted during that freaking dinner date!

Binalingan ko si Riley na nasa gilid ng pinto. Tumungo ang ulo nito bilang paggalang.

"I hope you won't tell them what happened. It's embarrassing, Riley." sabi ko dito na may halong pagbabanta sa aking boses.

"Masusunod po, Miss Aliyah."

"Good. Thank you," huling sinabi ko at pagkatapos ay umakyat na ng aking kwarto.

Naupo ako sa kama at natulala na lang sa aking harapan. Tama si Syd. That guy is sinfully handsome... Alam ko sa una palang naming pagkikita ay gusto ko na siyang makilala ng lubos. Nga lang, malaanghel man ang mukha niya, hindi ko mapagkakaila ang pagiging marahas niya. He talked and looked at me with an overflowing cruelty.

Not to mention that he sort of insulted me and assumed that I am a minor? Napailing ako. It is a detractor... but I still have the urge to know him well.

"Magpapakasal ka sa akin kahit hindi mo pa ako ganoong kakilala?" naalala kong wika niya sa malamig na boses.

Tanda ko pa ang nakakatakot at marahas niyang paninitig sa akin kanina. Kung bakit pakirandam ko ay hindi niya gusto ang set up na ito ay hindi ko alam. If he's against it, then he doesn't need to meet me. He doesn't need to follow this set up. Dapat sa umpisa palang ay umatras na siya, 'di ba?

Nagkibit balikat ako. Anuman ang dahilan ay hindi na importante iyon. Tsaka kaya ko naman siyang kilalanin! Sisiguraduhin kong magiging close kami! Doon naman nagsisimula ang lahat... Pagkakakilala... Pagkakaibigan... Hanggang sa maging intimate na ang lahat.

Kinabukasan ay maaga akong nagising dahil na rin sa paulit-ulit na pagtawag ni Sydney sa cellphone ko. Alas siete palang ng umaga ay gusto na niya magpakwento sa mga nangyari sa date ko kagabi. Hindi ko alam kung saan niya nakukuha ang kasiglahan samantalang ako ay antok na antok pa.

"Ano? Sabi ko sa'yo gwapo talaga iyong Reid Alvedo na iyon! He's one of the famous bachelors in the Philippines! Balita ko wala siyang girlfriend dahil nabasted daw iyan noon ng first love niya! Naku, Ali! Dapat talaga mapaamo mo siya! Ang ganda ng lahi niyan! Ang gaganda ng mga kapatid niya!" Hindi matigil si Syd sa mga kwento niya patungkol sa nalaman niya patungkol kay Reid.

Kinusot ko ang kanang mata ko at pagkatapos ay humikab. Patuloy pa din si Syd sa pagsasalita ngunit hindi ko na masundan ang mga sinasabi niya. Pinikit ko ang mga mata ko habang nasa tenga ang aking cellphone.

"At saka alam mo ba, ang popogi din ng mga kaibigan niyan! Lalo na iyong Seiji! Hay, naku! Kailangan mo akong paipakilala kay Reid para makilala ko din circle of friends niya!"

"Syd, it's too early. Talaga bang pinag-uusapan na natin ito? Inaantok pa ako!" I groaned.

Humalakhak ang kaibigan ko sa kabilang linya at pagkatapos ay hindi natinag at nagpatuloy sa mga kwento niya. She mentioned Reid's friends that I don't even know. Mabuti pa siya't alam na niya ang lahat ng mga ito samantalang ako ay pangalan pa lang yata ang alam sa lalaking iyon.

"Maganda daw iyong first love no'n ni Reid Alvedo at kakaiba kaya hindi makamove on!"

Sa isang iglap ay nawala ang antok ko. Minulat ko ang mga mata ako at umikot ng posisyon habang hawak ang cellphone sa aking tainga.

"Anong hindi makamove on?"

She chuckled. "Well, nabalitaan ko lang naman iyon. Iyon nga siguro ang rason kung bakit walang sinasamang babae kahit saan si Reid. Mag-isa lang sa mga gatherings and parties. Madalas ang kapatid niyang babae ang kasama niya."

Iba din talaga ang pagkatsismosa ng kaibigan kong ito. Hindi ako makapaniwala na ang dami niyang impormasyon patungkol kay Reid. Parang siya ang irereto don, ah!

"Or maybe he's gay? What do you think? Makikita mo naman sa galaw niya, hindi ba?"

I cringed at the thought that Reid is gay. That's so impossible. Naalala ko ang marahas niyang pagkakatitig sa akin kagabi. Sa tindig at pananalita pa lang ay masasabi kong straight ito. Ano ba itong mga sinusuksok ni Syd sa isip ko!

"He's not gay, Syd. Lalaking lalaki naman siya sa paningin ko kagabi," tanging nasabi ko.

"Alright, kailan ulit kayo magkikita?"

Umirap ako.

"Hindi ko pa alam. But I'll try to see him again... Maybe today?"

Tumawa muli si Syd. "Galingan mo, Ali! Break a leg!"

Hindi na ako nakabalik sa pagtulog pagkatapos naming mag-usap ni Syd. Pakirandam ko ay madami pa akong dapat alamin patungkol kay Reid kaya naman maaga pa lang ay inutusan ko na si Riley na magreport sa akin ng lahat ng makukuha niyang information tungkol sa lalaking iyon.

Maagang umalis ang mga magulang ko para sa trabaho. Dahil doon ay nagagawa kong manduhan ang tauhan ni Daddy sa mga gusto kong impormasyon.

Ibinigay sa akin ni Riley ang iilang printed papers nang nasa library ako ng aming mansion. Binaba ko ang binabasang libro at tinignan ang mga papel na naglalaman ng impormasyon tungkol sa isang Reid Alvedo.

Based on the information I have, he's 28 years old and a graduate of Business Administration. He took over his family business at a young age and is currently the CEO of Alvedo Company. They are managing hundreds of hotels and restaurants in the Philippines. May dalawang kapatid na babae. May tatlong matalik na kaibigan na sa pagkakaalala ko ay nabanggit ni Syd.

"Cassandra Lim? Ito ang ex-girlfriend niya?" kuryoso kong tanong kay Riley.

Tumango ito. "Opo, Miss Aliyah. Nakatakda na po iyang ikasal sa tagapagmana ng mga Cerrano."

"Skylus Cerrano?"

"Opo, Miss."

Kung ganoon ay wala ng pag-asa para magkabalikan pa sila. Hindi ko napigilan ang pagngiti. Sa tingin ko nama'y hindi si Reid ang tipong sisirain ang kasal ng ex-lover niya.

Nalaman ko ang mga hobbies niya. Drifting. Surfing. Motorcycling. Pati ang schedules niya sa trabaho nakalagay sa papel na hawak ko.

"Kung ganoon ay may pasok siya ngayon sa trabaho?" tanong ko muli kay Riley.

"Mayroon po, Miss Aliyah..."

"Okay, I appreciate all these information, Riley. Maghanda ka. Aalis tayo ng alas diez. Pupuntahan natin siya sa kumpanya nila," saad ko at inilapag na ang mga papel sa desk ko.

Halata ang gulat sa mukha ni Riley pero mabilis din naman niyang naintindihan ang gusto kong mangyari. Agad itong lumabas ng library at iniwan ako.

Nangalumbaba ako't napapangiti. Naisip ko ang sinabi ni Reid sa akin kagabi. Kung akala niya ay papakasalan ko siya agad, nagkakamali siya. Alam ko din na hindi niya ako kayang pakasalan dahil hindi din naman niya ako kilala.

It's workable. I have all the time to know him. Gusto ko ding malaman kung talagang hindi pa siya nakamove on sa Cassandra Lim na iyon. I just want to know every details about him before we set up our possible marriage.