Chapter 72

72

Kaya nagpunta ngayon si Reese sa Cebu ay para sunduin ako. Kinontact ako ni Jessie last month, ikakasal na raw sila ni Kyros at hindi raw ako pwedeng mawala sa araw ng kasal niya. Minsan ay bumibisita siya rito sa Cebu kasama si Kyros at Shiela.

Nalaman ni Kyros na buntis ako noong anim na buwan na ang tiyan ko. Mabuti na lang at napakiusapan ko siyang huwag na huwag sasabihin kay Lucian na magkakaanak na kaming dalawa. Mukha namang hindi na nga niya sinabi dahil hindi na ako ginulo ng dati kong asawa.

"Ate Mila, kayo na muna ang bahala rito ha? Tumawag po agad kayo sa akin kapag nagkaproblema."

" Oo naman Lyrica, mag iingat kayong dalawa." Ngiti nito sa akin.

"Salamat po ate. Dadaanan na lang po namin sila tatay sa manggahan. Magpapaalam lang po ako sa kambal." Tumango ito sa akin at pinuntahan ko na sa playroom ang dalawa.

Busy pa rin ang dalawa sa kanilang mga ginagawa.

"Lyla, Lyra..."

"Mama, aalis na po kayo? " Tanong ni Lyla sa akin, sabay naman silang lumapit na dalawa.

"