Chapter 31

31

Nagulat na lang ako sa mga sunod sunod na tawag at chat ni Mildred ng magbukas ako ng aking cellphone.

From:Mildred

Lyrica? Anong nangyari sa inyo diyan ni Marco? Bakit parang pinagbagsakan ng langit at lupa si Marco?

Lyrica? Nag away ba kayo?

Lyrica? Magreply ka naman. Nag aalala kami kay Marco. Hindi niya kami pinapansin.

Lyrica, ano bang pinaggagagawa mo? Inaway mo ba si Marco? Nakaluwas ka lang ng Maynila sisirain mo na ang pagkakaibigan natin.

Magreply ka naman. Ikaw ang magpaliwanag dahil hindi namin makausap si Marco.

Mapait naman akong napangiti. Tinawagan si Mildred.

"Mabuti naman at naisipan mo ng tumawag. Ano bang nangyari sa inyo ni Marco? Inaway mo ba siya?" Tanong sa akin ni Mildred.

"Hindi naman kami nag away Mil, nagkaroon lang kami ng hindi pagkakaintindihan. Sinubukan ko naman din siyang kontakin kaso hindi niya ako sinasagot." Malumanay na sabi ko.

"Ano ba kasing ginawa mo? " Paangil na sabi nito sa akin.

"Mil, sa chat mo pa lang sa akin kanina ay iniisip mong a