CHAPTER 2
“BIGYAN mo nga ako ng pinakamatapang na inumin niyo rito!” anas ni Syler sabay lagok ng hawak niyang baso na puno ng alak.
Napakamot sa ulo ang bartender na nagse-serve ng drinks sa kanya. “Ma’am, pasensya na pero iyan na po kasi ang pinakamatapang na drinks namin.”
Humigpit ang hawak niya sa baso habang nanggigigil at pinanlakihan niya ito ng mata. “Ano pa’ng silbi ng pagiging bartender mo kung hindi ka naman marunong mag-imbento?!” singhal niya na ikinagulat nito at halatang natakot. “Hala, sige, igawa mo ako! Magbabayad naman ako!”
Sunod-sunod ang naging pagtango nito at mukhang namutla pa dahil sa pagtaas ng boses niya. “Sige po, Ma’am.”
Hindi niya gustong ibunton dito ang inis na nararamdaman niya. Hindi lang talaga niya mapigilan ang sarili.
Muli niyang binalingan ang bagong salin na alak sa kanyang baso at pinanliitan ito ng mata na para bang ito ang kaaway niya. Nandito siya ngayon sa Centre Bar sa Mandaluyong at nagpapakalunod sa alak kahit hindi naman talaga siya marunong uminom. Ito nga ang unang beses na pumunta siya sa lugar na ito.
“Hayop ka... walanghiya ka... herodes ka,” nanggagalaiting bulong niya.
Mainit ang ulo niya ngayon. Sobrang init. Ang hudas kasi na boyfriend niya ay may ibang babae pala. Ang herodes na iyon! Ipinakita pa talaga ang pakikipaglampungan nito sa iba.
Ngayon lang nawasak ang puso niya at hindi siya papayag na ibinasura lang siya nito nang gano’n gano’n lang. Hindi siya papayag na hindi siya makakaganti.
Humanda ka sa’king hinayupak ka! Lintik lang ang walang ganti! Mata mo lang ang walang latay! hiyaw niya sa isip.
Inisang lagok niya ang basong may lamang alak at mabilis na gumuhit ang pait nito sa kanyang lalamunan. Halos mabasag ito nang bigla niya itong ibagsak sa counter. Napangiti siya nang mapait nang bumalik sa kanyang gunita ang tagpong nagpadurog ng puso niya.
Hindi alam ni Syler kung bakit hindi na niya ma-contact ang nobyo niyang si Leinard kahit tinext niya ito na nasa Mall of Asia siya. Kanina pa siya paikot-ikot pero hindi niya ito makita. Isang linggo na ang nakaraan mula nang huli niya itong nakita, matapos itong humiram sa kanya ng fifty thousand pesos para ipambayad daw sa pinagkakautangan nito. Hindi iyon ang unang beses na nangutang ang nobyo niya sa kanya. Noong una ay one hundred thousand at nasundan pa ito ng fifty thousand ulit. Ipon niya iyon pero nangako naman ito na babayaran din siya kaya hindi siya nagdalawang isip na pahiramin ito.
Lubos lang talaga siyang nagtataka kung bakit kapag bagong sapatos, damit, relo at cellphone ay may pambili naman ito, pero inuutangan pa rin siya. Naisip niya na baka gipit talaga ang kanyang nobyo ngayon. Ayaw din naman niya kung sa iba pa ito manghihiram ng pera kung puwede naman siya nitong lapitan.
Sinubukan niyang tawagan ito pero nakapatay naman ang cellphone nito. Luminga-linga siya sa paligid upang hanapin si Leinard at baka papunta na ito, nalowbat lang siguro kaya hindi masagot ang text at tawag niya.
Nasaan na ba kasi siya? Inuugat na ako rito kahihintay!
"Nasaan ba ang lalaking..."
Hindi na natapos ni Syler ang kanyang sasabihin nang mamataan ‘di kalayuan ang lalaking sobrang pamilyar sa kanya. Huminto sa pagtibok ang puso niya nang makilala niyang si Leinard nga ang lalaking iyon pero hindi ito nag-iisa dahil may kasama itong ibang babae na kinulang sa tela ang damit.
Pakiramdam niya ay unti-unting gumuguho ang kanyang mundo kasabay nang pagkawasak ng kanyang puso sa tagpong nakita niya. Nakaupo ang mga ito sa labas ng isang mamahalin na restaurant at naka-lean si Leinard sa lamesa’t hinahalikan nito ang babae sa labi.
Huminga siya ng malalim upang pigilin ang pagbuhos ng nagbabadya niyang luha.
Mga walang hiya! Ang kakapal ng mukha! Nasa public place sila’t pinagtitinginan pero kung magtukuan sila gano’n gano’n na lang! Para bang wala silang pakialam sa paligid! Balak pa yata nilang gawing motel ang restaurant na ‘yon! singhal niya sa isip.
Unti-unti siyang naglakad palapit sa mga ito habang nakakuyom ang nakatagong kamao. Nanginginig at kumakabog nang husto ang dibdib niya sa sobrang galit. Hindi niya alam kung may kakayahan pa ba siyang kontrolin ang emosyon niya ngayon. Masyado na siyang nilulukob ng matinding galit.
“Hi!” Pinilit niyang ngumiti kahit sa loob loob niya ay gusto na niyang sakalin agad ang herodes niyang nobyo.
Nagulat si Leinard nang mag-angat ito ng tingin at nakita siya. “Syler?” Bigla itong namutla at para bang nakakita ito ng multo habang nakatitig sa kanya.
“Yes.” She smirked, trying to hide the pain. “So, kamusta naman ang date niyo?”
“Babe, who is she?” biglang tanong ng haliparot na kasama ng herodes niyang nobyo.
“Me?” Tinuro niya pa ang kanyang sarili habang pinanlalakihan ito ng mata. Naramdaman niyang lahat ng dugo niya ay nasa ulo na niya ngayon. “For your information, I’m his—”
“Oh, Leinard, darling! You didn’t tell me you hired a new maid,” putol nito sa sasabihin niya na sinabayan pa nang esksaheradang pag-ikot ng mga mata.
Napahinto siya. Namilog ang kanyang mata. Mas lalong kumulo ang kanyang dugo. Sa isang iglap nagdilim ang paningin niya at sinugod ito ng sabunot.
“Haliparot ka! Hindi niya ako katulong! Girlfriend niya ako! Girlfriend!” marahas na bulyaw niya bago ipinulupot nang husto sa isang kamay ang makapal nitong buhok.
“Ouch! Leinard! She’s hurting me!” hiyaw nito dahil kahit mas matangkad ito sa kanya ay hindi nito magawang lumaban.
Balak niya sana itong kalbuhin kung hindi lang siya pinigilan ni Leinard. Itinaboy nito ang dalawang kamay niya’t inayos ang buhok ng haliparot na babaeng iyon.
“Ano ba, Syler?! Bakit ka ba nananakit? Umalis ka na nga!” bulyaw nito na ikinagulat niya.
Natigilan siya. Parang pinalakol ang puso niya sa sinabi nito. “What?” Pinigilan niya ang sariling magalit dito. Na 'wag sumbatan ito. Iniisip niya ang pinagsamahan nila. Iniisip niya ang magagandang alaala nila.
No, Syler. Not here! bulong niya sa isip.
“Bakit... bakit mo ‘ko pinapaalis?”
He shook his head. Para bang bigla itong naubusan ng pasensya dahil sa ginawa niya sa babaeng kasama nito. “Tanga ka ba o nagtatanga-tangahan?”
She gulped loudly. Bumilis ang paghinga niya dahil puno ng sarkasmo ang tinig nito. Malayo sa lalaking inubusan niya ng oras, atensyon, pagmamahal at pera.
“Leinard...”
Hindi naman niya gustong saktan ang babaeng kasama nito. Naunahan lang talaga siya ng matinding galit dahil sa kanyang nasaksihan. Hindi siya mapanakit. Hindi lang talaga niya kayang kontrolin ang kanyang emosyon.
Napahilamos ito ng mukha. Halatang iritang-irita na. “Can’t you see or are you pretending to be blind? Damn it!” Parang kulog na yumanig sa pagkatao niya ang mura nito. “I’m tired of this fucking relationshit, Syler. I am breaking up with you.”
Natulala siya. Pilit na nilulunok ang mga salitang isinubo nito sa kanya. Unti-unting gumuhit ang isang ngiti na puno ng sarkasmo. “Ikaw pa talaga ang may lakas ng loob magsabi ng linya na ‘yan?” hindi makapaniwalang sambit niya. “Damn you, asshole!” she hissed.
Naramdaman na niya ang panlalamig nito pero hindi niya alam na aabot pa sila sa ganitong punto. May kutob na siya na ito talaga ang kahahantungan ng relasyon nila. Na maghihiwalay din sila pero hindi sa ganitong paraan. Masakit sa kanya dahil minahal niya ito nang totoo. And yes, she still love him despite of what he did. Napaka laking tanga.
Laking gulat niya nang ngumisi ito. “Sa simula pa lang naman, hindi na kita mahal,” amin nito na ikinaguho ng mundo niya. “Pera mo lang talaga ang habol ko sa ‘yo. Marami ka no’n, e. Ewan ko ba sa ‘yo kung bakit masyado kang tanga at uto-uto kaya hindi mo man lang napansin ‘yon— what the fuck!”
Bigla niya itong ginawaran nang isang napakalutong na sampal sa pisngi na nagpatalsik ng mukha nito. Bumakat pa nga ang palad niya.
“Manloloko kang herodes ka!”
Napasinghap ang babaeng kalampungan nito na kanina pa nakangisi ng mapang-asar sa kanya. “Oh my gosh! Why did you do that to him, bitch?!” bulyaw nito bago hinaplos ang pisngi ni Leinard na parang alalang-alala. “Darling, are you okay?”
“Bitch?” sambit niya habang nanlilisik ang kanyang dalawang mata. Naikuyom niya ang dalawang kamao. Ramdam na ramdam niya ang panginginig ng buong niyang katawan. Gusto niyang baklasin ang buto ng babaita na ito sa sobrang galit. “Ako pa ngayon ang bitch! Malandi ka! Haliparot! Mang-aagaw!”
Hindi na niya inalintana kung pagtinginan man sila ng mga tao sa mall, basta gusto niyang masaktan ito para mabawasan ang sakit na nadarama niya ngayon. Susugurin na niya sana ito kung hindi lang siya mabilis na itinulak ni Leinard. Muntikan na siyang matumba kung hindi lang siya napakapit sa isang upuan.
“Don’t hurt her!” bulyaw nito bago siya pinanlakihan ng mata. Natulala na lamang siya. “Ganyan ka ba kadesperada?!”
Mabilis siyang umiba ng tingin habang nadudurog ang kanyang puso.
Don’t cry infront of them, Syler Lim. Hindi ka mahina! aniya sa isip.
Lihim niyang pinakikiusapan ang kanyang mga luha na kanina pa nagbabadya. Ayaw niyang ipakita sa herodes na ito na nasasaktan siya. Hindi rin niya dapat iyakan ang ganitong klaseng lalaki. Hindi siya ganito kahina pagdating sa pag-ibig.
Nang mapigil niya ang kanyang luha ay pinagmasdan niya nang mabuti si Leinard.
“Bakit ganyan ka makatingin?”
“Napaisip lang ako.” Napakunot ang noo nito. Unti-unting namang kumurba ang labi niya habang nakatingin dito. “Alam mo noong nakilala kasi kita akala ko nabuksan na ‘yong third eye ko.”
Mas lalong nagsalubong ang kilay nito na parang walang maintindihan sa sinabi niya. “What are you talking about?”
She smiled, a bit. Lihim din siyang bumuwelo. “Huli na nang malaman ko na natural lang pala ang lamang lupa look mo!” she hissed and with all of her force, binigyan niya ito ng isang malakas na sipa sa “what hurts the most” ng mga lalaki.
“Oh fuck! Holy shit!” Nagtatalon ito sa sobrang sakit habang nagmumura at namimilipit. “Damn it!”
She smirked. “Bagay lang ‘yan sa ‘yo! Mabaog ka sana gago!”
Napansin niyang mas lalong dumadami ang nanunuod sa kanila. Iyong iba ay kinukuhanan pa sila ng litrato at video. Saka na lang niya iisipin ang kahihiyan na idudulot nito pagkatapos niyang gumanti.
Nabaling ang tingin niya sa haliparot na kasama ni Leinard. “Oh, my dear.” Mas lalo siyang napangisi nang makitang bigla itong natakot nang lumapit siya’t pasimpleng dinampot sa lamesa ang isang bote ng ketchup. “Ang putla mo na. Kulang ka sa blush-on at lipstick, kaya dadagdagan ko ha?” Bigla niyang binuhos sa pagmumukha nito ang ketchup na hawak niya.
Nanlaki ang mata nito at parang hindi makapaniwala sa ginawa niya. “What the hell! You ruined my Givenchy dress! Kabibili ko lang nito!” Tiningnan siya nito ng masama. Halos maiyak na. “You bitch!”
She rolled her eyes heavenwards. “Oh God. Jhee-von-shee not Gi-ven-chee. Social climber!” Napaawang ang labi nito sa sinabi niya. She smirked. “Pasalamat ka na lang hindi hot sauce ang nadampot ko!” Then she stormed out of the mall with so much pain and hatred.
CHAPTER 3SA NGAYON ay sapat na kay Sylerang ginagawa niya sa mga ito. Sa palagay niya naman ay nasira na niya ang reproductive system ng herodes niyang ex-boyfriend at madadala na rin ang haliparot na ‘yon!“Humanda ka,” bulong niya sa sarili. Hindi pa siya tapos. Ni hindi pa nga siya nagsisimula. Patikim pa lang iyon. Hindi siya makakapayag na binasura lang nito ang puso niya. Mas lalong hindi niya matanggap na ginawa pa talaga siya nitong sugar mommy. Ipapamukha niya sa herodes niyang ex-boyfriend kung ano’ng sinayang nito.Bumalik siya sa reyalidad at bumuntong hininga. Pinipilit niya ang sariling huwag na ulit umiyak. Hindi dapat pinag-aaksayan ng luha ang mga gano’ng klase ng lalaki. Hindi niya alam kung bakit masyadong mababaw ang luha niya.“I can’t believe I’m crying over someone like him. He’s not even worth a single tear from me!” Marahas niya
CHAPTER 4KINAUMAGAHAN ay masigla at magaan ang pakiramdam ni Syler pagmulat niya ng kanyang mata. Para bang ang tagal niyang hindi natulog at ngayon lang siya nakapagpahinga nang matagal. Ni ayaw na nga niyang bumangon pa mula sa pagkakahiga. Gustong-gusto niya ang lambot na kama na kanyang hinihigaan.Napangiti siya bago niyakap ang unan sa kanyang tabi. Naalala niyang nagpunta siya sa isang bar kagabi. “Buti na lang nakauwi pa ako.” Biglang kumunot ang kanyang noo. “Pa’no kaya nangyari ‘yon?”Unti-unting niyang inilibot sa kabuuan ng silid ang kanyang mata. Naalarma siya at biglang napabalikwas ng bangon nang mapansing hindi pamilyar ang lugar na kinaroroonan niya.Muli niyang hinagod ng tingin ang kabuuan ng silid na iyon. Halos manliit siya nang mapagtantong hindi talaga sa kanya ‘yon. Ibang kuwarto iyon. Base sa kulay at sa mga kagamitan na kanyang nakikita ay lalaki ang
CHAPTER 5NATIGILAN si Syler sa paghilamos ng kanyang mukha gamit ang dalawa niyang kamay nang mapansin na mas lalong gumuhit ang pilyong ngiti sa labi ni Rusty. Tiningnan niya ito nang pagkasama-sama. Hindi niya tuloy napigilang isipin na nagustuhan nito ang nangyari sa kanila dahil mukhang masaya pa ito, samantalang siya ay balisang-balisa na.“Nakukuha mo pa talagang ngumiti?” ‘di makapaniwalang bulalas niya.“Calm down, Sy.” Mas lalong tumalim ang tingin na binibigay niya rito. Hindi niya alam ang salitang kalma ngayon. “Kung sakali naman na may nabuo tayo, paninindigan kita,” kaswal lang na sambit nito. “Hindi kita tatakbuhan.”
CHAPTER 6“DO YOU work here?” gulat na bulalas ni Leinard nang makita siya nito sa loob ng building ng Vergara Holdings.“Welcome, Miss Lim,” nakangiting bati ng isang empleyado.“Thank you!” masayang sambit ni Syler.Nang muli siyang bumaling sa damuho niyang ex-boyfriend ay nginitian niya ito nang pagkatamis-tamis. Hinihiling niyang maumay ito. “Yes. Aren’t you happy to see me again? Hmm?” mapang-inis na tanong niya rito. “To be honest, no.”“Bitter,” nakangising sambit niya.Don’t waste your precious time, Syler.Ngayon ang unang araw ng trabaho niya bilang personal secretary ni Rusty tulad ng napagkasunduan nila. Lubos na ikinasaya ng ama ni Syler nang malaman na nagtatrabaho na ulit siya. Her father’s wish fulfilled. Mas lalo nitong ikinatuwa nang malaman na sa kompanya
CHAPTER 7NANG makapasok na si Syler sa opisina ni Rusty ay siya na mismo ang kumalas sa pagkakahawak nito sa kamay niya.“Bakit hindi mo sinabi na maaga ka pa lang makakauwi? Akala ko pa naman mga 9:00 pm ka pa darating.”Umangat nang konti ang gilid ng labi nito. “Kung sinabi ko ba sa ‘yo, susunduin mo ‘ko?”She rolled her eyes heavenwards. “Hindi ‘no!” He chuckled. Uminit tuloy ang kanyang pisngi. Wala naman talaga siyang balak na salubungin pa ito. “Pagkauwing-pagkauwi mo dito ka agad dumiretso. Sana nagpahinga ka na lang muna sa unit mo tutal half-day lang naman ngayon.”“Nangako ako sa &ls
CHAPTER 8“NEXT WEEK na ang deadline ng nobela mo, girl!” ani ng kaibigan ni Syler na si Riri sa kabilang linya. Tumawag ito upang mangamusta sa bago niyang trabaho. Madalang na rin kasi silang magkita dahil bihira na siyang makadaan sa publishing company kung saan ito nagtatrabaho.She was a writer as well. Tinagurian na nga itong best-selling writer ngayon. Patok na patok kasi sa masa ang mga nobelang ginagawa ng kanyang kaibigan. Hindi niya maitatangging epektibong manunulat ito dahil halos lahat ng genre ay gamay na nitong isulat. Lalo na ang romantic-comedy na masasabi niyang forte nito. Maging siya ay palaging nag-aabang sa mga nobela na isinusulat ng kanyang kaibigan.Samantalang siya ay romance na nga lang hirap na hirap pa. Masayang-masaya siya para kay Riri dahil kahit sikat na ito ay nananatili pa rin na nakasayad sa lupa ang mga paa nito. Para sa kanya ay karapat-dapat talagang bigyan ng gano’ng
CHAPTER 9BIGLANG hinatak ni Leinard ang kamay ng haliparot nitong girlfriend palayo kay Rusty.“Stay away from my girlfriend!” nanggagalaiting bulalas nito.Nakipagtagisan din nang titigan si Rusty kay Leinard na bakas ang pinipigilang galit sa mukha. Para bang ano mang oras ay magpapang-abot na sila.Naalala niyang alam na nga pala ni Leinard na si Rusty ang CEO ng Vergara Holdings. Hindi na siya nagulat na nalaman din nito agad pero may nakapagsabi sa kanya na hindi ito makapaniwala sa nalaman. Magbuhat nang nalaman nito iyon ay hindi man lang ito humingi ng despensa kay Rusty dahil sa pagiging walang modo nito. Para bang nagmamataas pa ang herodes. Ni hindi nga niya ito kinakakitaan ng takot sa tuwing magkakaharap ito pati na si Rusty. Malakas ang loob nito dahil malapit ito sa Daddy ni Rusty. Pakiramdam nga niya, kung hindi lang dahil gusto niyang gantihan ito nang paunti-unti ay matagal na itong tinan
CHAPTER 10PARANG gusto na lang lumubog ni Syler mula sa kinatatayuan nang makita si Rusty na nakatayo sa hamba ng pintuan habang mamatay-matay sa katatawa.“You’re gonna give me a heart attack!” singhal niya rito.Mas lalo pa itong natawa. He was wiping tears from his eyes when he finally calmed down. Tumindi pa tuloy ang pag-iinit ng kanyang buong mukha.“Kanina ka pa ba r’yan?”“Uh-huh.”Sinamaan niya ito ng tingin. Nakuha kasi nito ang isang susi ng condo unit niya at ayaw na ibalik. Iyon ang dahilan kung bakit malaya itong nakakalabas-masok sa unit niya. Nagtataka nga siya dahil ibinigay din nito ang spare key ng condo unit nito sa kanya kahit hindi naman niya hinihingi.“Hindi talaga uso sa ‘yo ang privacy ‘no?” sarkastikong saad niya bago ito inirapan.Hindi ito sumagot sa halip ay tinitigan lang