Chapter 195: Dine in

HUMAKBANG NA PALABAS si Kevin na natigilan sa may pinto gamit ang seryosong mukha. Agad nagsitigil ang mga employee na patuloy na nag-uusap at hindi pa rin maka-move on sa mga kaganapan kanina. Patuloy nila itong pinag-uusapan at binabalik-balikan.

“Tapos na ang palabas kanina. Tama na ang usapan tungkol doon. Ang sinumang mahuhuli ko na nagdadaldalan ng tungkol sa nangyari ay makakatikim ng parusa.”

Napayuko na sa kanila ang karamihan at mariing tinikom ang bibig. Bumalik na naman sa pagiging masungit ang boss nila na matagal ng nawala.

“Bakit kaya siya galit?”

“Gaga, sa mga nangyari sa tingin mo may kakayahan pa siyang sumaya? Eskandalo 'yun.”

“Sabagay, saka close rin sila ni Roxan.”

“Iyon na nga, sino na kaya ang papalit sa kanya? Sure akong di na ‘yun babalik dito.”

“Paano babalik? Kung makukulong na siya?”

“Baka magha-hire ng bago.”

“Saka baka nasaktan siya noong nalaman niyang may asawa na si Alyson. Di ba? Iba ang pakikitungo niya sa kanya, parang couple sila.”

“Uy, is