Chapter 196: Coincidence

ILANG ORAS ANG nakalipas at nakaramdam ng pagka-bored si Alyson sa bahay. Nakakain na siya ng snack pero parang may gusto pa rin siyang gawin. Paulit-ulit na pumapasok sa isip niya ang mga nangyari sa office noong umaga. Iyong pagtatanggol sa kanya ni Geoff, ang ma-dramang pagdakip kay Roxan. Lahat-lahat ng mga nangyari na parang sa TV lang makikita.

“Punta kaya ako ng mall? Bilhan ko man lang si Geoff ng gift? No, hindi regalo parang reward lang dahil sa may mabuti siyang ginawa sa akin.”

Nang maisip iyon ay mabilis na naghanda si Alyson upang umalis. Naisip niya na bibili na rin siya ng ilang sangkap para sa pagkain na lulutuin niya o kung hindi niya kaya iyon ay magbibilin na lang siya sa maid ito ang mamili mamaya.

“Mrs. Carreon, saan po ang lakad? Dito po ba kayo kakain ng dinner o sa labas?” harang sa kanya ni Manang Zenny nang makita siya nito.

“Oo, saglit lang akong lalabas. May bibilhin lang. Babalik din ako agad. Mamaya na tayo mag-usap about sa dinner.” sagot niya dito