SAGLIT NA NAG-ISIP si Alyson. Sayang naman ang dinner na inihanda niya para sa kanila ni Geoff kung lalabas siya at pagbibigyan ang gusto ni Kevin. Eh, pinaghirapan niyang lutuin ang mga ‘yun para pagsaluhan nila ni Geoff tapos sa huli ay hindi naman niya makikita ang reaction nito sa lasa ng niluto niya. Isa pa puro gusto niya ang pagkaing niluto. Tinikman niya pa lang din iyon at hindi pa siya dito nagsasawa kaya nagdadalawa ang isip niya kung makikipagkita ba kay Kevin.“Urgent ba ‘yan ngayon Kevin? I mean kailangan bang ngayong gabi ay maibigay mo na kaagad sa akin?”“Sort of, Alyson. Pero gaya nga ng sabi ko sa’yo kanina hindi mo naman kailangang—”“Okay sige, pupunta ako. Text mo na lang sa akin kung saan tayo magkikita. Gagayak lang ako.”“Alright, Alyson. Text kita. See you later.”Bumitak sa isang nakakalokong ngiti ang labi ni Kevin. Kung ganito niya kabilis napapayag si Alyson na puntahan siya at makipagkita, ibig sabihin ay mahalaga pa rin siya sa babae. Ngayong nawala sa
ITINAAS NI ALYSON ang isang kamay para saglit na putulin sa mga sinasabi niya si Kevin. Nakita niya kasing rumehistro sa screen ng cellphone ang pangalan ni Geoff na tumatawag sa kanya. Ang hula niya ay nasa bahay na ito at malamang ay nakita niya na ang inihanda niyang regalo o ang pagkain. Agarang tinambol ang puso niya sa kaba. Hindi alam ano ang unang sasabihin sa asawa oras na sagutin niya ang tawag nito.“Saglit lang Kevin ha, sasagutin ko lang itong tawag. Baka kasi importante.” dahilan niya na bahagyang umubo para ayusin ang boses.Pinindot na ni Alyson ang answer button at inilagay na iyon sa kanyang tainga.“Yes, hello?”“Nasaan ka? Anong oras ka pa uuwi? Nasa bahay na ako. Hihintayin na kita bago ako kumain.” dire-diretso nitong wika na nagpakilig kay Alyson, para silang bumalik three years ago sa paraan ng pakikipag-usap nito ngayon. “Sabay na tayong kumain, Alyson. Huwag mong tagalan diyan, hindi na masarap ang mga ito kapag malamig na.”Hinilot-hilot ni Alyson ang sentid
NAPAPALATAK SA TANAWING iyon si Loraine na kakapasok lang ng restaurant. Nakahawak ang isang kamay nito sa kanyang tiyan. Ilang beses siyang napakurap ng mga mata at baka sakaling namamalik-mata lang. Subalit hindi, si Alyson ang nakikita niya at may ibang lalakeng kasama. Hindi kaila sa kanya ang katauhan ni Kevin pero hindi rin naman niya ito gaanong kilala. Ang alam lang niya ay sa kumpanya nito ang trabaho ni Alyson. Kung anu-anu na ang mga bagay na naglalaro sa isipan niya sa hindi inaasahang tagpong iyon.‘Nasa date ba ang dalawa? Buti naman at nakahanap na ng ibang lalake si Alyson. Hindi na ako mahihirapan na itaboy pa ito papalayo.’Agad napatayo si Alyson nang makita niya si Loraine na nasa gilid na ng kanilang table. Sumama agad ang panlasa niya. Iritable na naman sa presensya ng maharot na babae.“Anong kailangan mo, Loraine?”Nag-aalala si Alyson na baka may iba pa itong sabihin na makaka-offend sa kasamang si Kevin. Alam niya ang mga tingin nito na puno ng lantarang akus
KUNG ANONG GULAT ni Kevin sa kaganapan sa harapan niya, siya namang pagkulo ng dugo ni Loraine at pag-init ng bunbunan habang nakatingin sa kanilang banda. Napaawang pa ang bibig ng babae nang prenting maupo na si Geoff parang hindi siya nakita. Noon lang siya deneadma ni Geoff nang ganito na dati-rati naman ay siya ang top priority ng lalake, silang dalawa ng anak niya. Nakakapanibago na ngayon ay parang hangin siya kung ituring gayong sure siyang nakita naman siya nito kanina. Ang laki kaya niya, imposible na hindi mapansin. Bagay na hindi niya mapapayagang magpatuloy na mangyari sa gabing 'yun. Hindi siya papayag! Taas ang noo at pamartsa na siyang lumapit sa kanila. Kailangan niyang makuha ang atensyon ni Geoff. Hindi pwede ang ganitong treatment nito. “Pwede ba akong maupo dito?” direktang tanong ni Loraine kay Kevin na nagpahulog pa ng panga ni Alyson. “Kakain din ako ng dinner at si Geoff ang magbabayad noon.” turo pa nito kay Geoff na wala pa ring pakialam sa lakas ng boses
“SAYANG NAMAN Mr. Evangelio, bakit naman kasi nagpatumpik-tumpik ka pa noon? Malay mo naman ngayon. Malapit na silang maghiwalay. Alam mo na grab the chance and opportunity. Minsan lang ‘yun kung mangyayari ulit.”“Kaya nga eh, kung alam ko lang na hahantong pala ang relasyon niya sa isang masalimuot na annulment at puro pasakit lang, hindi ko na sana siya pinakawalan pa noon.” sagot ni Kevin na hindi inaalis ang tingin sa mukha ni Alyson as if sinasabi ni’ya ‘to mismo sa babae. Lumungkot pa ang boses ni Kevin. “Naging duwag kasi ako noon. Hinayaan ko siyang mawala sa akin. Kung naging matapang lang ako, hindi sana siya nasasaktan ngayon at iniinda ang problema sa buhay ng mag-isa.”“Pasensiya na ha? Hindi kasi ang kapalarang ‘yun ang nakaguhit sa palad niya, Mr. Evangelio. Ang nakalagay doon at nakasulat ay ang makilala ko—”“Talaga, Mr. Carreon? Proud ka pa na sabihin iyan sa harap niya? Eh, sino ba ang nagloko sa inyong dalawa? Proud ka pang sinaktan mo siya? Proud ka pang pinaluha
NAG-PANIC PA DOON si Loraine. What if ganun nga ang plano ng pamilyang Carreon sa kanya? Knowing them, lalo na si Don Gonzalo hindi nga malabo na ganun ang mangyari ‘pag nagkataon. Mukhang may tama si Kevin. Baka ‘yun nga ang plano rin ni Geoff sa kanya at sinisimulan na niya ngayon sa pangde-deadma sa kanya na para bang hindi siya nito nakita. Napainom na ng tubig si Loraine, feeling niya nanuyo na ang lalamunan.“Napakawalang kwenta naman niyang sinasabi mo! Hindi ganung klase ng tao si Geoff, uma-acting lang 'yun! Nagpapanggap. Tama. N-Nagpapanggap lang siya.” wika nito na naging malikot na ang mga mata. “Imposible 'yun.”“Bakit naman siya a-acting at magpapanggap na hindi ka niya kilala? Bulag ka ba o nagbubulag-bulagan lang para hindi mo makita ang kakaibang kislap ngayon sa mga mata niya?”“Matagal ko na siyang kilala, okay? Huwag mo siyang siraan dahil hindi mo siya kilala. Matagal na kaming magkakilala ni Geoff. Halos sabay kaming lumaki kaya alam ko ang ugali niya. Kung hindi
DIRE-DIRETSO ANG HAKBANG ni Alyson sa gilid ng kalsada. Hindi niya alintana ang nalalanghap na maruming usok na nagmumula sa mga dumadaang sasakyan. Patuloy na umalingawngaw sa isipan niya ang mga sinabi ni Kevin. Paulit-ulit ume-echo sa kanyang tainga. Nagngalit na ang ngipin ni Alyson sa inis. Alam niyang hindi sinasadya iyon ng kaibigan, pero nababadtrip pa rin siya. Dito pa talaga nanggaling ang lahat ng ‘yun? Gusto pa siyang ilaglag at ipahiya. Buti sana kung kay Geoff lang, eh naroon din ang mahaderang si Loraine.“Nakakainis siya, ka lalake niyang tao hindi niya mapigilan ang talas ng dila! Ibubuko pa niya ako, alam naman niyang pinakatatago ko ‘yun!”Mabibigat ang bagsak ng mga paa niya. Sobrang frustrated pa rin sa karanasan kanina na ‘di malimutan.“Huwag niya akong asarin, kapag ako nabwisit hindi na ako papasok!” mahinang banta niya upang ilabas pa ang galit na namuo na sa dibdib.Narinig niya ang boses ni Geoff na malamang ay sinusundan siya pero hindi man lang siya lumin
PARANG NAKIKIPAG-KARERA sa hangin sa bilis ang pagmamanehong ginawa ni Geoff sa sandaling nakalulan siya ng sasakyan para lang agad na makarating sa kanilang bahay. Hindi na siya makapaghintay na makarating at makausap si Alyson nang masinsinan. Bagay na mangyayari lang kung mabilis siyang makakauwi. Siguro naman pagdating niya doon ay hulas na ang nag-uumapaw na galit ng asawa. Matino na ito hindi gaya kanina. Nagawa na nga siya nitong paglutuan ng dinner nila. Since hindi ni Alyson na-enjoy ang pagkain sa labas, aayain na lang niya itong kainin nila ang inihandang pagkain. Sana lang talaga ay pagbigyan siya ni Alyson.“Kapag maganda ang approach ko sa kanya, siguro naman na hindi na niya ako tatarayan. Kakausapin ko ng matino at mababang tono.”Pagdating niya sa may gate ng subdivision nila ay saglit na bumagal ang takbo ng sasakyan. May naabutan siyang sasakyan na nakatigil at kausap ng guard. Sa hula ni Geoff ay visitor. Pasipol-sipol na hinintay niyang umabante ito matapos na ku