Chapter 205: Barenaked

PINAPASOK NA NI Geoff ang sarili sa loob ng silid kahit na walang pahintulot ni Alyson. Sinalubong siya ng katahimikan. Bukas ang lahat ng ilaw sa loob ng kwarto. Ngunit ang nakakapagtaka ay wala doon ang asawa niya ni ang katawan nito ay hindi niya natagpuang nakahiga sa kama. Gusot ang bed cover na palatandaan na may humilata doon kaya sure siyang naroon lang ang asawa. Nakapatong din kasi sa ibabaw ng kama ang ginamit ni Alyson kaninang bag.

‘Kung wala siya dito ay nasaan siya?’

Napalingon na si Geoff sa pintuan ng banyo nang makarinig ang malakas na lagaslas ng tubig sa loob nito. Batid niyang si Alyson ang nasa loob at naliligo? Ng ganung oras? Nakakapagtaka. Sabagay, kung puro naman alikabok ang katawan nito ay tama lang na mag-halfbath ang asawa. Napuno ng katanungan ang buong isip ni Geoff. Gayunpaman ay parang may sariling buhay ang mga paa niyang mabagal na humakbang palapit at patungo sa pinto ng banyo. Sisiguraduhin niya lang na ang asawa nga niya ang naroon at hindi iban