Chapter 0011.2

Abala pa si Lucas sa pagsama kay Trisha na mag-shopping nang bigla na lamang mag-ring ang kanyang cellphone. Agad niyang dinukot ito sa kanyang bulsa at nang makita niya na ang kanyang ina ang tumatawag ay nagdadalawang isip pa siya na sagutin ito pero sa huli ay sinagot niya pa rin ito.

“Pauwi na ako ngayon at gusto kong magkita tayo sa mansiyon.” bungad nito sa kaniya.

Napahilot siya sa kanyang sentido. “Mommy busy pa akong mamili.” sagot niya rito.

“Busy na mamili kasama ang malanding babaeng yan at hinayaan mo ang asawa mo na umuwing mag-isa ni hindi mo man lang inihatid. Kung ayaw mo, babalik ako ulit diyan sa mall at hahanapin ko yang babaeng iyan para ipahiya sa harap ng napakaraming tao.” walang gatol na sabi nito.

“Pupunta na ako.” sagot niya rito at hindi na ito nagsalita pa at mabilis na pinatay ang tawag.

Nilapitan niya si Trisha. “Babe magg-shopping kana lang muna ng mag-shopping at kapag natapos ka ay tumawag ka sa akin para ipahatid kita sa driver ko.” sabi niya rito.

A