Chapter 13

Nang makapasok na ito sa loob ng kaniyang bahay agad na tinanggal nito ang suot niyang shades. Inilibot nito ang kaniyang paningin sa loob bago umupo sa couch na siya namang pagtunog ng kaniyang cellphone.

"Kararating ko lang," tila tamad na tugon nito sa kausap nito mula sa kabilang linya.

Nakatayo ako hindi kalayuan sa kinauupuan niya kaya rinig na rinig ko ang sinasabi nito. Ang hindi ko lang marinig ang sinasabi ng kausap nito mula sa kabilang linya.

"Mom, we broke up already. Huwag mo na akong pilitin na makipagbalikan pa sa kaniya at ayoko na siyang makita pa kahit kailan." Nagpakawala ito ng malalim na buntong hininga.

"Let's not talk about her, okay? I want to rest, mom. Bye!" Kaagad na pinatay nito ang tawag at agad na tumayo.

Dire-diretso lang ito sa pag-akyat sa hagdan habang nakasunod ako rito. Pagdating nito sa labas ng kuwarto niya, tumigil ito sandali at humarap sa akin na walang emosyon ang mukha.

"Don't follow me, I want to rest. I will call you when I need you."