Kabanata 5

Anna Luisa

Pagkatapos ng pangyayari na yun ay lubhang nag-aalala sila Catriona at Yuri sakin at napag-alaman nilang wala akong kain ng umagahan. At totoo naman ang sinabi nila.

Nakalimutan ko kasing kumain. At maya-maya pa'y nagdesisyon na silang umuwi. At kinabukasan heto na ako ngayon ay nakahanda na para sunduin ng Kuya ni Aera.

Di ako nakatulog kaiisip sa Hacienda Bonifacio dahil gusto kong makita itong muli. Madaling araw ngayon at kasalukuyan kong pinipindot-pindot ang cellphone ni Aera may nakita akong mga larawan rito.

Napakamoderno na talaga ng taon na to. Maging ang mga larawan ay nasa cellphone na lamang. Di katulad sa taon namin na tanging pagpinta na lamang upang ikaw ay may larawan.

Hanggang sa may kumatok sa pinto, batid kong si Kuya na ni Aera ito. Kaya agad kong binuksan at di nga ako nagkamali ang Kuya nga ni Aera ito paano ko nalaman? Nakita ko sa mga larawan sa cellphone ni Aera.

"Hi, little sis tara na." nakangiting bungad nito sakin. Wala man akong maintindihan sa mga tinuran niya ay tumango nalang ako dahil ayoko ng humaba pa ang usapan.

Pagbaba namin sa unang palapag. Iginiya na ko papunta sa "basement" doon raw nakaparke ang kanyang sasakyan.

At ng makarating kami roon ay agad kaming sumakay at agad na umalis. Habang nasa biyahe di ko maiwasang mamangha sa sasakyan na ito. At tsaka ako napabaling sa Kuya ni Aera, may pagkakahawig siya kay Lawrence ang isa sa mga pinsan ko.

At agad akong napaiwas ng mapansin niya ang pagtitig ko.

"Nakakapanibago ka sis, ang tahimik mo naman yata. Samantalang noon buong buhay napakarami mong kwento." nagtatakang sabi nito sakin. Kaya namutla ako. Mahahalata na kaya niya na hindi ako ang kapatid niya? Paalisin na kaya niya ako sa condo na pagmamay-ari ng kapatid niya? Kung ganun saan ako maninirahan wala akong alam sa taon na ito.

"Oy sis, okay ka lang ba? Namumutla ka? Kumain ka ba bago kita sunduin?" nag-aalalang tanong niya kaya napalingon ako sakanya at napatango. Nakalimutan ko ulit kumain kanina dahil kakaisip sa Hacienda Bonifacio. "Ano? Bakit di ka kumain oh siya titigil tayo sa isang Carinderia doon tayo kakain." sabi niya sakin. Kaya tumango nalanga ko at binaling ang paningin sa bintana ng sasakyan na ito.

Maya-maya pa'y tumigil kami sa tapat ng isang tahanan, at may mga nakalabas ito na mga ulam at kanin. Mukhang dito kami kakain pagbaba namin ay agad kaming pumasok sa loob at naupo sa isang lamesa. Nagpaalam naman yung Kuya ni Aera na bibili lamang raw siya ng pagkain.

Maya-maya pa'y bumalik na siya dala ang mga ito hanggang sa..

"Oy pare." sulpot ng isang lalaki sa tabi ng Kuya ni Aera. Nakangiti at mukhang masaya na nakita muli ang Kuya ni Aera.

"Rafael? Ano't nandito ka?" natatawang sabi ng Kuya ni Aera. Umupo ang lalaki sa isang bakanteng upuan habang ako ay nanatiling walang pakialam sakanila. Kumain na lamang ako ng pagkain na binili ng Kuya ni Aera.

"Papunta ako sa Poblacion Indang." sabi nito sa Kuya ni Aera.

"Hala parehas pala tayo pre doon rin ang punta namin may Hacienda kasi dun ang angkan namin." nakangiting sabi nung Kuya ni Aera.

"Ay oo nga pala bat ko nakalimutan yun?" natatawang sabi nung Rafael sa Kuya ni Aera.

"Ikaw talaga pre, naikwento ko na sayo noon diba na may hacienda ang angkan namin." naiiling na sabi ng Kuya ni Aera.

"Pasensya na Azrael, makakalimutin ata ako." natatawang sabi nung Rafael at tsaka ito napabaling sakin. "Sino siya pre? Chicks mo?" natatawang sabi nito sa Kuya ni Aera habang nakatingin sakin.

Chicks? Ano yun?

Binatukan naman siya ni Kuya Azrael. Magkukuya na ako. Dahil puro na lamang ako Kuya ni Aera masyadong mahaba. Napakamot naman sa ulo si Rafael.

"Kapatid ko yan. Siya si Aenna Rana Bonifacio yung kwinekwento ko sayo na kapatid ko." sabi ni Kuya Azrael kay Rafael.

Aenna Rana Bonifacio buong pangalan ni Aera buti naman sa wakas ay batid ko na.

"Ay ayan ba si Aenna na tinatawag niyong Aera.." nakangiting sabi ni Rafael at nilingon si Kuya at muling binalik sakin ang tingin. "..eh bakit di kayo magkamukha, maganda kapatid mo samantalang ikaw ang panget mo pre bakit ganun." natatawang sabi ni Rafael kaya binatukan siyang muli ni Kuya.

Bahagya naman akong natawa dahil medyo naintindihan ko sinabi niya. Kaya napalingon sila sakin.

"Tamo pre, natawa rin kapatid mo." pagbibiro pa ni Rafael.

"Aera si Rafael Cadavedo kaibigan ko. Parehas lang kayo ng pinapasukan at parehas kayo ng taon sa kolehiyo. Tamad lang talaga pumasok to kaya di mo nakikita." nakangiting sabi ni Kuya.

"Ikinagagalak kong makilala ka Ginoong Rafael." nakangiting sabi ko sakanya. Kaya nagulat naman si Rafael.

"Ang galang naman ng kapatid mo. Ginoo raw." natatawang sabi ni Rafael kay Kuya.

"Hayaan mo na nantitrip lang yan." sabi ni Kuya kay Rafael at muli na silang nagkwentuhan.

Maya-maya pa ay muli silang nag-usap at nanatili akong kumain ng binili ni Kuya marami-rami kasi ito ag nagugutom talaga ako.

"Pre, nakabus kasi ako pwede bang sa inyo na sumabay. Lintik ang siksikan sa bus eh." rinig kong sabi ni Rafael.

"Eh di ba may kotse ka naman bakit nagbus ka pa?" takang tanong ni Kuya.

"Tinatamad ako magdrive. Di ko naman akalaing punuan ang bus." sabi naman ni Rafael kay Kuya.

"Oh siya dahil parehas naman tayo ng pupuntahan sumabay ka samin doon ka sa tabi ko sa driver seat. At si Aera sa likod upang makatulog siya at makapagpahinga." sabi ni Kuya kay Rafael kaya napatango naman si Rafael at sandaling nagpaalam na kukunin ang gamit niya sa bus. Kaya naiwan naman kami ni Kuya sa tapat ng pinagkainan namin.

"Nabusog ka ba Aera?" tanong ni Kuya sakin.

Tumango naman ako at ngumiti. Maya-maya pa ay dumating na si Rafael dala ang gamit niya.

Agad na kaming sumakay sa sasakyan. Nasa likod na ko kanina kasi ay nasa tabi ako ni Kuya. At ngayong kasabay namin si Rafael ay siya na katabi ni Kuya.

Umupo ako sa likod sa malapit sa bintana at pinagmasdan ang daanan hanggang sa di ko namalayang nakatulog. Nagising na lamang ako sa pagtunog ng kung ano sa bulsa ko. At ng magmulat ako ay agad ko itong kinapa. Cellphone ko pala ito, napatingin ako sa unahan tulog na pala si Rafael habang si Kuya ay patuloy na nagmamaneho.

Napatingin ako sa orasan sa cellphone. Itinuro rin sakin ni Catriona at kung paano ito titingnan.

Alas sais na pala ng umaga. Medyo maliwanag na ang paligid ngunit lamang pa rin ang dilim.

Sinagot ko naman ang tawag ng mabasa kong si Catriona ito.

"Oy bessy, ingat kayo sa biyahe. See you on Monday." bungad niya sakin.

"Salamat bessy, ingat ka rin diyan. Kita na lamang tayo sa Lunes." sagot ko sakanya.

Marami pa kaming napagkwentuhan hanggang sa kusa na niyang ibinababa. At muli akong nakaramdam ng antok kaya natulog ako muli.

Nagising na lamang ako sa pagtapik sakin. At pagmulat ko bumungad si Kuya napalingon naman ako sa unahan mukhang wala na si Rafael. Nilingon ko naman ang labas, nandito na pala kami.

"Narito na tayo sa Hacienda Bonifacio." nakangiting sabi ni Kuya at bumaba ng sasakyan. Naiwan naman akong nakasilip sa bintana na nakatingin sa karatula ng Hacienda Bonifacio.

At sa di ko malamang dahilan nakaramdam ako ng matinding kaba.

To be continued..