Kabanata 53

“Magandang gabi po.” Bati ng binata habang bitbit ang isang lalagyan na puno ng pruta.  Hindi naman alam ng pamilya ni Maria kung ano at sino ang dapat unang magsalita sa kanila, parang kanina lang ay pinaguusapan nila ito at ngayon ay nasa harapan na nila.

“M-magandang gabi rin sayo, Iho kanina ka pa ba riyan?” Pagtatanong ng Ina sa lalake, nag-alala ito na baka narinig nito ang pag-aaway nilang pamilya at ang tungkol sa away ng asawa at ng Ama ng binata.

Ngumiti ang binata at umiling, “hindi po, kararating ko lang at  tumawag po agad ako.” Sagot nito kaya nakahinga sila ng maluwag, hindi nila alam paano kakausap ito ng normal kung narinig nito ang lahat ng usapan nila kanina.

‘Maupo ka, kumain ka na ba? Halika dito maupo at kumain kasabay namin. Bakit ka nga pala napunta dito ng ganitong oras?” Ang Ina pa rin ang nakikipag-us