Chapter 5

Five

Hindi ko maiwasang magdilim ang paningin ko dahil kay Zeikko na nasa harapan ko ngayon. Meet the parents? Is he kidding me? Alam ko kung gaano siya kag*go, pero hindi ko naman alam na gagawin niya ang kanino.

"Oh sakto nandito ka na, anak. Come on let's eat," ani mama na kalalabas lang sa kusina. Ngumiti siya sa akin na para bang kinakausap niya ako gamit ang kanyang mga mata.

Anong ginagawa nila? Bakit nila hinayaan si Zeikko na pumasok sa bahay? Hindi ko maintindihan. Gusto kong magtanong ngunit ayokong ibuka ang aking bibig dahil baka kung ano lang ang lumabas mula rito. Marahas akong napabuntong hininga.

Masamang tingin ang ibinaling ko kay Zeikko na nanatiling nakangiti at nagkibit balikat pa bago niya ako tinalikuran at tinungo ang kusina. Naikuyom ko ang kamao ko dahil sa iritableng nararamdaman ko. Akala ko magkakaroon ako ng payapang araw ngayon pero mukhang nagkamali ako.

"Ate tara kain. Gutom na ako," ani Ash na nauna na ring naglakad patungo sa kusina.

Halos magdab