Chapter 13

"Ano pa ba ang mga kailangan mo, anak? Bilhin mo na lang habang nandito pa tayo sa mall," sabi niya sa kaniyang anak.

Nasa mall ngayon si Greta kasama ang anak niya. Kalilangan na bumili ni Megumi ng mga bagong kagamitan dahil nasira ito noong tinapon ng kaklase nito na si Mattina ang mga gamit nito.

"Wala na, mommy, iyong mga crayons at ibang mga papel lang ang kailangan kong palitan. Nakakainis kasi ang maldita na iyon!"

Umiling si Greta. Kahit saan niya paaralin ang anak niya ay may sumusunod na hindi magandang nangyayari sa bata.

"Anak, tell me if you want to enroll in another school. Marami naman akong alam na school na puwede mong lipatan."

"Mommy, I'm not gonna run away from Safe Haven Academy because of that brat. Kung maldita siya ay mas maldita ako sa kaniya. Pinalaki mo kaya akong palaban. Hindi ba, mommy? Ang sabi mo sa akin, alagaan ko ang sarili ko. Sabi mo pa nga, kailangan kong matutuhan na ipagtanggol ang sarili ko dahil walang magtatanggol sa akin bukod sa aking