CHAPTER 17

Bago umuwi si Lian sa kaniyang condo unit, dumaan muna siya sa ISAAC’s. Pagpasok niya sa loob ay nakasalubong niya si Gwyneth na papalabas na at may dalang plastic bag.

Nakangiting sinalubong ni Lian si Gwyneth. “Hello, Gwy.”

“Oh! Hi, Lian! Bibili ka ng kape?” nakangiti rin na bati ni Gwyneth.

“Yes, saka ulam. Tinatamad kasi akong magluto. Ikaw?”

“Nag-take out ako ng brownies and cookies na favorite nina Mama. Mayro’n kasi kaming family dinner.”

Tumango-tango si Lian. “I see. Nagkita rin ba kayo ni Ate Lily?”

“Hindi, eh. Though, I sent her a text message. Sinabihan ko siyang dumaan ako.”

“Hmm, okay. Sige na, baka ma-late ka pa. Ingat ka sa byahe.” Pagpapaalam ni Lian.

“Thank you, Lian. Ikaw din, ingat sa pag-uwi.” Pagpapaalam ni Gwyneth.

Hinintay muna ni Lian na makalabas si Gwyneth sa ISAAC’s saka siya pumunta sa counter para um-order ng pang-ulam niya at isang kape. Umupo siya sa isang table at doon naghihintay ng kaniyang order. Ilang minuto ang makalipas, nakita niyang pababa mula