KABANATA 13

EKSAKTONG alas Dos ng hapon dumating ng Pilipinas ang mag-Asawa. Si Danica ay sinalubong agad ng biyanang babae pagkatuntong pa lamang sa bungad ng pinto. Mas nauna pa siya nitong kamustahin kaysa kay Dylan. Kesyo na-miss raw siya nito at marami silang pag-uusapan. Agad siya nitong inakay papuntang harden at ipinagmalaki ang bago nitong kinahuhumalingan, mga bagong collection ng iba’t-ibang klase ng bulaklak. Si Dylan naman ay naiwan sa sala kasama ng Lolo at Ama nito at mukhang seryuso ang pag-uusapan.

“Here, sweetheart. But you have to promise me na iingatan mo ‘yan, huh,” ani Cassandra na inabot ang isang photo album kay Danica nang ayain siya nito sa kwarto pagkaraan.

Naiintrigang binuksan agad iyon ni Danica.

“Si Dylan po ito?” nangingitting tanong niya sa biyanan na tinutukoy ang nasa larawan. Ito ‘yong hinihingi niya bago sila lumipad papuntang England ni Dylan. Kuha iyon ng Katipan na nakabihis pambabae mula edad dalawa hanggang anim na taong gulang.

“Yeah, since Anak naman