~ LIII

TATLONG araw. Tatlong araw na ang nakalipas simulan no'ng ipaalam sa kaniya ng ina na sa sabado na ang big day ng kanilang kumpanya para sa wine na ilalabas. Simula rin no'ng araw na iyon ay hindi na ulit nagkausap si Aslan at ang ina dahil sa tuwing susubukan niya itong kausapin ay palagi siyang hinaharang ng sekretarya nito at sinasabing ayaw magpaistorbo ng ina. Wala naman siyang magawa kundi sundin na lang iyon.

Tatlong araw na rin simula no'ng padalhan siya araw-araw ni David ng pananghalian niya tuwing lunch break. Parang naging obligasyon niya nang tanggapin iyon dahil sa totoo nga naman ay palagi siyang nakikisuyo kay Rosee na magpa-deliver ng pagkain para sa kaniya. Sa loob ng mga araw na iyon na palagi siyang pinapadalhan ni David ng pagkain ay naisip niya na lang na iyon na nga pala ang pinaka matino niyang kain dahil sa buong halos mag-iisang buwan siyang hindi umuwi sa unit niya ay puro delivery foods ang kinakain niya.

Dahil sa dami palagi ng pagk