Chapter 9

Scarlet's POV

"Saan ka nanggaling?" Si Danna ang bumungad sa akin nang makauwi ako sa bahay nila ni Tita Daniela.

Muling kumirot ang dibdib ko. Nandito pa rin pala ako sa kanila. Pero wala na kami sa Probinsya. Nandito na kami ngayon sa Maynila dahil sumama ako sa kanila. Hindi naman kasi ako hinanap nina mama o ni Ate Serenity para bumalik sa amin.

Imbes na sumagot ay nilampasan ko siya at sakto namang bumagsak ako sa sofa. I moaned and closed my eyes because of the comfortable bed.

"Scarlet, ano ba?! Naglasing ka na naman ba? 'Di ba nangako ka na sa amin ni mama na hindi na 'to mauulit? Ang bata-bata mo pa para sa gan'yan!"

Tanging pag-ungol na lang ang naisagot ko dahil inaantok na ako. Pero bago ako tuluyang makatulog ay naramdaman ko ang pag-ayos niya sa pwesto ko.

"Scarlet! Ano ka ba namang bata ka! Susmaryosep! Palagi ka na lang bang ganito?!"

"Ma, hayaan mo na muna siya. Puyat 'yan," boses ni Danna.

Dahan-dahan kong iminulat ang mga mata ko at agad na naramdaman ang sakit ng