Chapter 19: Encounter

Twenty minutes ago

Hagan Point of View

“Sino ka!” sigaw ko nang makaramdam ako ng panganib nang sinundan ko ng tingin ang mga mata ni Morriban.

Hindi ko rin alam kung namamalikmata lang ako pero kitang-kita ko ang isang kisapmatang paglitaw ng isang nilalang na nakatayo lang sa labas ng bilog na pomoprotekta sa amin.

Ikinalerto rin iyon nang lahat at mabilis na humarap sa dereksyon kung nasaan ang nilalang na ngayon ay naglaho na naman. Pero alam kong naroon pa rin ito dahil may kung anong mabigat na bagay sa dibdib ko ang nagsasabing nasa panganib pa rin kaming lahat.

Matinding napaangil ang kambal na lobo sa tabi ko. Sa tingin ko’y naamoy nila ang kalaban dahil gaya ng sabi ni Morriban ay matala ang mga pangamoy ng mga nilalang na ito. Dahil sa pangangamba ay mariin kong hinawakan si Morriban sa kamay nito. Hindi ko alam