Kabanata 65: Incident

Hagan’s Point of View

Lubos na ginhawa at pagkagaan ang naramdaman ko nang makalabas ako ng silid-aklatan. Gusto ko sanang pumasok muli sa loob para humingi ng paumanhin  sa lahat, ngunit hindi ko naman makumbinsi ang sarili ko dahil sa takot na aking naramdaman dahil sa nangyari kanina.

Kaya naman wala sa isip kong inilakad na lamang ang aking mga paa patungo sa kawalan. Muli kong kinuha ang Dandelion sa aking bulsa. Nagliliwanag pa rin ito pero sa pagkakataong ito ay nakikita ko ang kulay asul nitong tila nagbabagang enerhiya na nagmumula sa kanya.

Bagay na agad kong ipinagtakha. Ibig sabihin ba nito ay hindi galing sa aking konsentrasyon ang enerhiyang mayroon ang Dandelion na ito?

Napatigil ako sa pagiisip ko na iyon. Saka ko lamang napagtanto ang mahabang hallway na nasa aking harapan na nagtitila Tunnel dahil sa pa arkong disenyo nito.

Imbis na bumalik ay nilakad ko pa rin iyo