Chapter 8.1

Venus POV

Lumipas ang dalawang araw na nakakulong lang ako dito sa kwarto, may internet connection naman kaya walang problema. Bumababa lang ako para mag luto at kumain at babalik din agad sa kwarto para tapusin ang trabaho ko. 

Paminsan-minsan ay bigla akong tatawagan ni Hailey at Penny para kumustahin. Inaaya nga nila akong lumabas pero ng malaman 'yon ni Sage ay agad itong nagalit at hindi pumayag. 

Ayon sa magaling na taong 'yon, ay marami daw s'yang kailangang asikasuhin at hindi ako pwedeng umalis dahil baka biglaang pumunta dito ang lolo at lola n'ya para hanapin ako. 

Minsan nga ay naiinis nalang ako dahil ang dami ding nag babantay sa labas! Grabe, para namang tatakasan ko s'ya at hindi na magpapakita. May pa-rules rules pa s'yang nalalaman pero s'ya naman 'tong hindi marunong sumunod! 

Napabuntong hininga nalang ako ng makita kong tunatawag si KD. Alam na kaya n'ya? Pero imposibleng hindi dahil malamang ipapaalam agad