CHAPTER 13: A SUDDEN HEARTBEAT

DAHAN-DAHAN at walang ingay ang paglalakad ni Yvonne sa pasilyo. Araw-araw na ganito ang ginagawa niya sa tuwing tatakas siya papuntang burol para magsanay. Magsanay sa paggamit ng kaniyang pana at palaso at pagpapalakas ng kaniyang pakiramdam.

Halos ang tibok ng puso na lang niya ang marinig ng tumapat siya sa silid ng Alpha. Dahan-dahan dahil alam niyang malakas ang pakiramdam ng Alpha. Kapag nahuli siya nito, tiyak na hindi lang ang palaso ang kukunin niya kay Yvonne, pati ang oras nito sa pagsasanay. Dahul alam niyang tutol ang Alpha sa mga bagay na ganito, magsanay gumamit ng armas para sa kaniyang sariling kaligtasan.

Limang taon na simula ng simulan niya ang pag-eensayo sa paghawak at pagbitaw ng pana at palaso. Naging kahiligan niya ito mula noong panahong iyon. Napahinto siya ng may marinig na kaluskos. Napapikit siya ng muling marinig ang tunog mula sa silid ng Alpha. Kumabog ng mabilis ang kaniyang puso.

'Kaunti na lang, ilang hakbang na lang.' Minsan pa ay halos mahulog an