Flirt#43: Huwag kang paasa.

------------

Sa punto d’ bista ni Liah

---------------

Nagising ako isang oras, bago ang roll call ng section namin. Tiniklop ko ang gamit ko na kumot, natigil ako sa pagtutupi ng makita ko ang jacket ni dean sa higaan ko, baliw na ata ako dahil hindi ko inalis ang jacket bagkus tinabi ko pa sa higaan. Naiwan kasi ang pabango ni dean sa jacket niya, namiss ko na talaga siya pero ang sabi ng pride ko hindi ako dapat maghabol.

Lumabas ako ng building at naglakad-lakad sa dalampasigan para magpahangin, babalik rin ako mamaya para sa roll call. Dala ko ang jacket ni dean at cellphone para kuhanan ang pagsikat ng araw. Nag-ring naman bigla ang phone ko, sinagot ko ang tawag ni Arvin.