Chapter 131—Big Bully Family

Sinubukan buksan ng ilang kalalakihan ang pinto ng warehouse subalit matibay ito. Ginamit na yata lahat ng method pero hindi pa rin magawang buksan.

Naisip ni Theodore na maghanap ng tao na may hawak ng susi nang biglang awtomatikong bumukas ang pinto. Nalaglag ang panga niya nang bumungad ang nanlilisik na mga mata ni Aella.

Mabilis s'yang nakahuma at ginantihan din ito ng matalim na tingin. "Anong kabalastugan ang ginawa mo rito? Sagutin mo ako, Aella!"

Lumipat ang mga mata niya sa likuan nito at tila nahulog ang puso n'ya nang masilayan ang kanyang ina na nakatali ng packing tape at miserableng nakalupasay sa maalikabok na sahig.

Kinapos s'ya ng hininga't sinakop ng matinding galit. "Baliw ka ba, Aella? Paano mo nagawang saktan ang mommy ko?"

Ngumisi si Aella. Naaliw s'ya sa umaapoy na mga mata ng mga taong gusto s'yang puksahin. Dati, natatakot s'ya na pagsalitaan s'ya ng masama pero ngayon matapang at natutuwa s'ya na pinapatay na s'ya ng mga ito sa isipan.

Nagwawala sa galit ang