Chapter 26: Blood

Mabuti nalang marunong ako lumangoy kaya hindi ako mahihirapan. Hindi nagtagal naisipan ko ng sumisid nang mapansing mas lumalayo pa ang bola dahil sa sunod-sunod na alon.

Ayaw yata ng bola sa akin dahil panay lumalayo lang ito.

Sumisid ulit ako at pag-angat ko ng tingin wala na ito sa paningin ko. Hindi ako sumuko hanggang sa sinisid ko pa ang pinakalaliman para hanapin. Hindi ko alam kung ilang minuto na akong naghahanap pero hindi ko pa rin makita ulit ang bola. Ang lamig na sobra ng buong katawan ko. Hindi ko pansin na papalayo na pala ako.

Nabuhayan ako ng loob nang makita rin sa wakas ang bola. Pinagpatuloy ko ang paglalangoy hanggang sa naabot ko ito at nahawakan. Pero ilang segundo pa lamang ang lumipas ay nabitawan ko ito nang may isang mahigpit na kamay ang humawak sa braso ko mula sa likod. Nagulat ako kaya napaharap ako sa kaniya. Pero mas lalong nagulat pa ako nang makita kung sino.

A-Anong ginagawa ng lalaking ito rito? Nabitawan ko tuloy ang bola ng dahil sa kaniya! Ka