10 Julie

DALAWANG LINGGO NA simula no'ng ilipat ng school ng parents niya si Prince. Walang may alam kung saan. Para bang lahat ng koneksyon niya rito sa amin ay talagang pinutol na ng mga magulang niya. Dalawang linggo na rin akong hindi nilalapitan ni tapunan man lang ng tingin ni Rome.

Alam at ramdam ko naman, e. Sinisisi niya ako. Ayaw niya lang talagang manumbat dahil nga siya si Rome, ang mahinhin at mabait na si Rome. Pero mas gugustuhin ko pa ata iyong sumbatan at sampalin niya ako kaysa sa ganito. Iyon bang para lang akong hanging dinadaan-daanan niya.

Alam din ng buong klase kung anong nangyari at kung sino ang may pakana ng lahat. Kaya nga maging sila ay lalong naging mailap sa akin. Of course, they will all side Rome and Prince who showed them nothing but kindness with the latter being our responsible leader. Sino ba naman ako kompara sa kanila?

I wasn't bad but I wasn't exactly very good to my c