CHAPTER 561

Kinabukasan ay maaga siyang nagising. Sabi ni Tanya ay alas otso ng umaga susunduin na siya nito. Nakaready na din naman ang kanyang mga gamit kaya okay na siya.

Naligo agad siya. Malaking t-shirt at pants na butas-butas ang suot niya. Nag suot din siya ng mamahaling sneakers pero sa ukay-ukay niya lang iyon nabili. Nakakasuot lang naman siya ng branded kapag mag-u-ukay-ukay siya.

"Ate, aalis ka na? Pasalubong ha..." sabi ng bunso nilang si Asserette.

"Sige, ano ang gusto mo?"

"Kahit ano ate."

"Uy, uy... ‘wag n’yo na hingan ng kung ano-ano ang ate n’yo. Alam n’yo namang nagtatrabaho iyon doon, hindi gagala." Napakamot ng ulo si Asserette.

"Kumain ka na muna bago ka umalis, Paulette, para hindi ka gutumin sa daan. Pinagbalot ko din kayo ng makakain ni Tanya para may makain kayo sa biyahe."

"Salamat, Ma..." sabi niya saka umupo na sa hapag-kainan. Maya-maya’y tumawag na si Tanya.

"Hello?"

"Hello sis, ready ka na? Sa kanto ka na lang mag-abang sa akin ha. Magpapa-gas lang ako tapos dadaa