8

NARAMDAMAN ko na may mabigat sa bandang braso ko, kaya dahan dahan akong dumilat. Kisame na puti, hanggang sa wall ang sumalubong sa akin. May isang mahabang khaki na sofa, na may katapat na glass table, may side table din sa kama na hinihigaan ko, mula dito, ay naaamoy ko ang fresh na bulaklak.

Nasan ba ko? Bakit ang sakit ng katawan at ulo, pati mata ko mainit?

Tatayo sana ko, nang maramdaman ko na parang may nakadagan sakin, kunot noo akong napatingin sa lalaki sa tabi ko, kahit hindi ko tignan, alam ko na si bossing to, aba naman kasi, alam ko amoy ng shampoo nya, pag naglilinis ako.

Gigisingin ko ba, o hayaan ko lang?

Tumingin ako sa kaliwang kamay ko, doon ko nakita na may nakatusok sa akin na dextrose, nangangalahati pa lang ang laman. Kinapa ko ang noo ko, medyo mainit pa, pero hindi na katulad kaninang nang pumunta ko sa opisina ni sir.

Balak ko sana mag banyo, pero gumalaw si bossing, akala ko matutulog pa sya, pero, bigla na lang sya nag inat at nag angat ng ulo, doon kami