Chapter 13 - Kinakaliwa ka ng asawa mo

“Steph’s POV”

“Nasisiraan na talaga ang mokong na yun! Buti na lang may mga dumating na mga poging mga sundalo!” Kwento ko sa kaibigan kong si Aly habang pinaglalaruan ang straw na nakalagay sa aking baso.

Si Allison Mendez ang aking nag-iisang matalik na kaibigan, simpleng pumorma pero maganda, makinis at maputi. Simula hayskul ay kasama ko na siya sa aking mga kalokohan hanggang makapagtapos ng kolehiyo ay hindi siya nawala sa aking tabi sa lungkot, ginhawa, at saya. Kumbaga siya ang aking bestfriend-in-crime.

Siya ay anak ng kapitan sa aming barangay, kinatatakutan na lapitan ng mga lalaki dahil sa istrikto niyang ama na si Kapitan Ruel Mendez at niisa ay wala pang magtangkang mangakyat ng ligaw sa kaniya.

“Makisig rin naman ang asawa mo, ah! Bakit tumitingin ka pa sa iba?” Narinig kong sagot ni Allison.

“Yun?! Makisig? Nabubulagan ka na ba, Aly? Teka… teka, wag mong sabihin saking