Chapter 110

CHAPTER 110

Nangatal ang kanyang mga labi nang makita si Quin. Ang pogi-pogi ng baby niya. Miss na miss niya na ito.

“Quin,” madamdamin niyang pagbanggit sa pangalan nito sa mahinang tinig.

Ang ina at anak raw ay magkadugtong ang mga puso. Hindi alam ni Amelia kung applicable din ba iyon sa mag-inang hindi magkadugo dahil tila narinig siya ni Quin.

Luminga-linga ang mata nito sa paligid bago naiiyak na nahanap siya.

Umawang ang makipot at mapupulang labi nito.

Maliit niyang nginitian ang baby niya bago bumukas ang kanyang bibig para banggitin muli ang pangalan nito.

Na-trigger niyon ang emosyon ni Quintano. Bumulwak ang malakas nitong iyak sa front door ng resort.

Napatakip siya ng bibig.

Hindi nakagalaw si Quin sa kinatatayuan. Literal na natuod lamang ito roon. Nanginginig ang katawan na umaatungal ng iyak.

Naluluhang ibinuka niya ang kanyang mga braso at patakbong