Chapter 23 - Ang papalit na modelo

Third Person's Point of View

"Mr. Montereal, hindi ko inaasahan na darating ka." Nakangiting saad ni Mr. Robert. Lumapit ito sa bagong dating na lalaki upang makipagkamay. Maging ang acting CEO ng EMC ay nagulat din nang siya ay makita. Tila pinagpawisan ito ng bahagya nang bigyan siya ng matalim na tingin ni Logan.

"Hindi naman siguro masama na bisitahin ko paminsan minsan ang EMC, lalo na kung ang kalhating porsyento ng share ng kumpanya ay sa akin nakapangalan. Tama ba ako Mr. Bardot?" Sinadya niyang bigkasin nang mariin ang huling sinabi.

"O-Oo naman Mr. Montereal, mahalagang malaman mo rin ang mga kaganapan sa kumpanya." Kinakabahang saad ni Mr. Bardot. Sa totoo lang, hindi siya masayang nandoon ang lalaki. Tiyak niyang pakikialam siya nito sa gusto niyang mangyari.

"May ibang dapat pa ba akong malaman, Mr. Bardot?" Muling tanong ni Logan.

Nalaman niya buhat sa kanyang assistant na may mga ilegal na ginagawa si Mr. Bardot sa kumpanya. Kumukuha ito ng mga proyekto sa iba't ibang