Chapter 4

NAG AALALA si Lily nang dumating ang anak na si Lance.

“Where did you go, Lance?! I’m so worried for you!”

Alam ni Lily ang ugali ng mga tao sa syudad. Paano nalang kung may kumuha dito at hindi na niya makita pa ang anak? Hindi niya kakayanin yun!

“Na-curious lang po ako sa paligid kaya nag libot ako. Ang ganda po pala dito mommy ang daming tao!”

Palusot na sabi ni Lance at kumindat sa kaniyang mga kapatid.

“Ayun na nga! Maraming tao, paano kung may kumuha sayo at hindi ka na namin makita pa?!”

Sa sobrang frustrated ni Lily ay nasigawan na niya ang anak. Maging ang kaniyang mga anak ay natigilan sa pag sigaw nito. Nakilala kasi nila ang ina na palaging kalmado at mabait kaya hindi nila iyon inaasahan.

Dahil sa katahimikan ng mga anak ay kaagad naman siyang natauhan sa nagawa at humingi ng patawad dito. Hindi niya kasi alam ang gagawin kung may isa sa mga anak niya ang mawala.

“S-sorry nasigawan kita anak. Nag alala lang si mommy, may nanakit na nga sa kapatid mo tapos ikaw pa mawawala.”

Hindi napigilan ni Lily na lumuha dahil sa kaniyang kapabayaan. Nangako pa naman siya sa kaniyang sarili na aalagaan niya ang mga anak ng mabuti lalo na ngayon na nasa syudad na sila.

Bakit kasi nagtagal siya sa cr edi sana walang mangyayari na ganon!

“Mommy it’s not your fault! Kung may dapat mang sisihin ay yung babae yun! Isa pa kaya ko pong labanan ang kahit na sinong kukuha saakin! Gagamitan ko sila ng ganito! Ganiyan! At eto pa!”

Umaksyon pa si Lance na sumusuntok sa hangin na siyang ikinatawa nalang ni Lily. Kahit na ganon ang anak ay palagi siyang napapasaya nito kaya kahit papaano ay nabawasan na ang pag aalala niya. Yet, hindi pa rin tama ang ginawa nito. 

“Napaka daldal mo talagang bata ka! But still, mali pa rin ang ginawa mo.” At ginulo niya ang buhok ng anak.

"Sorry mommy," agad na hingi ng tawad ni Lance na ikinangiti ni Lily at umiling dito. 

“Basta next time wag aalis ng walang paalam okay? Kayo rin twins,” sabay lingon kila Levi at Leo na ikinatango ng mga ito.

"Yes mommy," 

Kahit na ganon ay madaling pagsabihan ang mga anak. Hindi naman nahihirapan si Lily sa ganoong bagay, yun nga lang may pagkamatigas talaga ang ulo ng mga ito. 

Sana lang talaga ay hindi na sila umulit pa. 

“Mommy is sorry dahil hindi kita naipagtanggol anak,” sabi ni Lily kay Leo sa malungkot na paraan.

“Mommy, it’s okay! Nanjan naman po mga kuya ko para ipagtangol ako.”

Napabuntong hininga nalang si Lily dahil doon. Kahit papaano ay nagpapasalamat pa rin siya dahil katulong niya sila Levi at Lance sa pag aalaga kay Leo.

“O’sya hali na kayo para magamot ang pasa mo,”

Ang totoo ay galit si Lily sa gumawa niyon sa anak. Ngunit ayaw na niyang mag reklamo dahil sa kwento palang ni Leo ay alam niyang mayaman ang babae. Kapag kinalaban niya pa ito talo lang siya at worst makulong pa siya.

Hindi siya pwedeng mawalay sa mga anak dahil siya nalang ang mayroon sila.

“Mommy, ako na po.”

Agad na sabi ni Levi at kinuha ang bagahe mula sa ina.

“Ako na rin po dito!” sunod na sabi ni Lance at kinuha ang isa pang bag.

“While me,  hahawakan ko ang kamay niyo para di kayo mahirapan!”

Natawa nalang si Lily sa mga anak. Tunay na swerte siya sa kaniyang mga anak kaya gagawin niya ang lahat para hindi na maulit iyon at maalagaan ang mga ito.

Ang hindi nila alam, habang sila ay nag tatawanan at kwentuhan sa paglalakad ay mayroong nakatingin sa kanila habang nakangiti ngunit ang mga mata nito ay walang buhay at ramdam mo ang masamang aura dito.

***

NANG makarating sila sa apartment ay ibinaba na nito ang mga gamit nila.

“Dito po tayo titira mommy?”

Napahinto si Lily sa tanong ni Levi. Alam niyang maliit lang ang apartment na iyon at wala pang kwarto. Gagawa lang siya ng divider gamit ang kurtina at doon sila matutulog.

“Sorry mga anak kung ganito lang ang inabot ng pera ni mommy. Don’t worry mommy will find a job so we can afford a better apartment soon okay?”

Nagulat si Levi sa sinabi ng ina. Hindi naman ganon ang gusto niyang iparating, he was just asking.

Sa katunayan niyan ay kaya niyang bigyan ang ina ng malaking pera. Paano? Dahil noong nasa bundok sila ay nakahanap siya ng ginto doon at kumita siya ng malaking pera.

Noong una siyang kumita sa ginto ay ibinigay niya iyon sa ina. Dahil malaking halaga ang binigay ni Levi ay inisip ni Lily na pakana iyon ng mga mandurukot. Kung baga new tactics nila para madukot ang mga anak.

Dahil doon gabi gabi siyang hindi makatulog kaka overthink na baka may kumuha sa mga anak niya.

Iyon ang naging dahilan kung bakit hindi na sinabi ni Levi ang tungkol sa mga kinikita niya. Napupunta naman iyon lahat sa bangko at bago sila bumaba ng bundok ay pinabigay niya kay Lance ang 20K at sinabing galing iyon sa lottery na napanalanunan nito by accident.

Naniwala naman si Lily doon kaya malamang ito ang nagamit na pera ng ina.

Sa ngayon hindi na nag overthink ang ina kung kaya tutulong nalang siya paunti unti dito.

“Mommy, it’s not what I mean. This house is good for the three of us, besides mas makakapag sama pa tayo diba?”

Napatango nalang si Lily sa sinabi ng anak  pero hindi pa rin maalis sa isip niya iyon. Basta gagawin niya ang lahat para mabigyan ng maganda kinabukasan ang mga anak.

NAGPAPAHINGA na sila ng mayroong kumatok sa pinto. Dahil tulog ang mga bata ay tumayo si Lily para buksan ang pinto. Wala namang ibang kakatok sa kanila kundi ang may ari ng apartment kaya naisip niya na baka iyon ito.

Ngunit nagulat siya ng buksan niya ang pinto ay bigla siyang hinawakan sa magkabilang braso ng dalawang lalaki.

“Kunin niyo siya!”

“S-sino kayo—” hindi natuloy ni Lily ang sasabihin niya dahil tinakpan ng mga ito ang bibig niya at dinala na papunta sa kung saan.