KABANATA 13

"Usog mo pa kaunti," sabi ko na agad namang sinunod ni Aaron. "Ayan, ayan. Okay na!" 

Nagpagpag siya at bumaba sa upuan. Namumuo ang butil ng pawis sa noo nito kaya binigyan ko siya ng panyo. Agad naman niyang kinuha iyon at ipinunas sa pawis niya. Nakapamaywang kong pinagmasdan ang buong paligid. 

"Parang may kulang pa, eh..." I sighed. 

"Huh? Maganda naman na, eh? Parang wala nang kulang." Sinuri rin ni Aaron ang paligid. 

Inaayos namin ngayon ang mini museum booth namin. Ito kasi ang naisip ko. May mga artworks din na puwede nilang bilhin sa murang halaga lang. Kasama ko si Aaron sa pag-de-design ng booth dahil ang iba naming ka-grupo ay tapos na sa mga inatas kong gawain nila. 

"Okay na ’yan, bahala na. Napapagod na ako, eh." I shrugged. 

He pursed his lips. "Ang perfectionist mo. By the way, sabay na tayo pumunta kina Luis mamaya."  

Tumango ako. "Sige. Sun