Book 3: Chapter 74-Pananakit

"Akin na ang susi ng sasakyan mo." Sapilitang kinuha ng lalaking may hawak na patalim ang susi mula sa bulsa ni Dave.

"Mga boss, baka puwed nating pag usapan ito? Kung pera ang kailangan ninyo ay ibibigay ko ngayon din." Pakiusap ni Dave sa dalawa.

Salamat na sagutin at patulak na pinapasok ng isa pang lalaki si Dave. "Huwag nang maraming daldal, pasok!"

Napamura si Dave at kamuntik na siyang mauntog sa bukana ng kotse. Hindi niya alam kung karnaper ba ang dalawa o kidnaper. Mabilis na sumakay ang nagtulak sa kaniya na lalaki at tumabi sa kaniya. Ang nagmaneho sa sasakyan niya ay ang isa pa.

"Saan niyo ako dadalhin? Kung gusto niyo kunin ang sasakyan ko ay ibibigay ko, huwag niyo lang akong saktan." Pakiusap muli ni Dave sa dalawa.

"Gago, hindi namin kailangan ang gamit o pera mo. Sa gagawin namin sa iyo ay tiyak na babait ka na." Ngumisi ang lalaking katabi ni Dave matapos magsalita.

Bakas na sa mukha ni Dave ang kaba. "Mga boss, parang awa niyo na. Gusto ko pang mabuhay!"

"Sana ay n