Book 3: Chapter 80-Pagkapahiya

Muling natahimik ang lahat nang makita ang asawa ng chairman at halatang galit na galit. Hindi na sila nagkatak o nagulat kung bakit ganoon ang nakikitang aura sa mukha ng ginang. Tama lang din na papalapit din ang CEO sa ina nito.

Mabilis na kumilos si Rita, halos takbuhin nito papalapit kay Zion bago bumati sa ginang. "Zion, kanina ka pa ba?"

Hindi nagawang iiwas ni Zion ang braso nang kumapit doon si Rita. Pagtingin niya sa ina ay halatang galit ito at mukhang alam na nitong galit sa kaniya ang asawa.

Ngumiti si Rita kahit hindi siya sinagot ng binata. Binaling niya ang tingin sa ginang, "tita, may problema ba?"

Pilit na ngumiti si Stella sa dalaga. Sasagot na sana siya nang makita ang manugang at kasama ang kaniyang asawa.

"Grabe, ang lakas ng loob niya at proud pang lumabas upang ipakita sa ating lahat kung gaano siya kamahal ng chairman." Hindi makapaniwalang naibulong ni Jen habang nakatingin sa kamay ng babaeng nakaangkla sa braso ng ginoo.

Napahikpit ang hawak ni Rita sa br