Chapter 36-Pangungunsensya

Tumawa siya ng mapakla at isinuksok ang cellphone sa bulsa ng suot na short. Wala siyang balak na magkaroon dito ng kontak.

"Never mind, sa lolo mo na lang ako hihingi ng number mo."

Mabilis siyang humarang sa daraanan ni Charles nang humakbang ito. "Fine!" Napilitan siyang iabot dito ang cellphone.

Bahagyang umangat ang isang sulok ng labi ni Charles at agad na kinuha ang cellphone ng dalaga. Pagkatipa ng sariling numero ay save niya agad bago nag dial.

Napahalukipkip si Stella at talagang sigurista ang lalaki. Tinawagan pa ang sarili nitong numero upang masiguro na makuha ang kaniyang kontak.

Pagkabalik ng cellphone ng dalaga ay ipinamulsa niya ang isang kamay. "Magpaalam ka na sa lolo mo at aalis na tayo."

Mabilis siyang umurong at lumayo sa binata. "Hindi ako sasama sa iyo kaya umalis ka na. Kahit hindi mo ako sundiin ay kusa kong dadalawin si Lolo."

"Nangako ako kay Lolo na kasama na kita pag-uwi." Matigas na turan ni Charles.

"You—"

"Hindi mo naman suguro gustohing malaman ng lo