Chapter 35-Hindi inaasahang bisita

"Gumawa ka ng paraan na kay Mauro maikasal ang pinsan mo," kausap ni Vincent kay Vanz.

Hindi makapaniwalang napatitig si Diana sa abuelo. Naroon sila sa library nito ngayon upang pag-usapan ang tungkol kay Stella. "Lolo? Bakit po si Mauro? Hindi po ako makakapayag at akin lang siya!"

Galit na sinampal ni Vincent ang apo na babae dahil sa galit. "Estupida! Kabaliwan ang sinasabi mong pagmamahal na iyan! Hindi importante ang pagmamahal na iyan para lang masira ang pundasyon ng pamilya natin! Importante ngayon ay ang mahawakan sa leeg ang lalaking mapangasawa ng pinsan mo upang maagaw ang kompanya!"

Mabilis na nilapitan ni Vanz ang kapatid at niyakap ito. Naawa siya sa kapatid pero kailangang sundin ang abuelo. "Magpaubaya ka muna ngayon. Kapag nawala sa landas natin ang babaing iyon ay mabawi mo rin ang lalaking gusto mong mapangasawa."

Umiiyak na itinago ni Diana ang mukha sa dibdib ng kapatid. Hindi lang naman ito ang unang beses na nasaktan siya ng abuelo. Pero sobra siyang nasasakta