Chapter 27

CHAPTER 27

“Mommy, kita mo po si Daddy? Sabi ba niya punta siya rito?” nakangiting salubong sa kanya ni Sevi nang makauwi siya sa condo.

Cute na cute ang anak niya sa suot nitong kulay blue na pajama pairs.

Naabutan niya itong nanood sa living room.

Niyuko niya ang anak at h inalikan sa magkabilang pisngi.

“Nasaan si Tita Steph mo?”

“Ligo po. Sabi ko dito lang ako kasi hihintayin kita. Alis ka kagabi di ba? Punta ka kay Daddy?” Sumilip ito sa kanyang likuran bago nagtatakang ibinalik ang tingin sa kanya.

“Nag-agahan ka na ba?”

“Hindi pa po. Hihintay ko si Daddy. I woke up kanina po tapos sabi ni Tita Steph, alis ka. Saan ka nagpunta? Syempre kay Daddy ko.”

“Sevi, nasa Manila ang daddy mo. Busy siya, okay?”

“Hindi po. Susunod siya sa atin dito.”

“Sevirious!” bahagyang tumaas ang boses niya.

Napipikon na siya talaga siya sa mga nangyayari. Wala roon si Sebastian pero daddy pa rin ito nang daddy.

“Walang daddy, okay? Nasa Manila siya, hindi na siya susunod sa