Chapter 42

CHAPTER 42

Hindi mapakali si Neshara sa kinuupuan habang nasa byahe. Masamang balita ang presensya ng lolo ni Sebastian. Lalo pa’t nakita na nito si Sevi.

Madali niyang nakuha ang ibig sabihin ng matanda. Gusto nitong kunin ang anak niya para sa kung anumang plano nito.

“Ma’am.”

Sabay silang napasigaw ni Sevi nang bigla na lang pumreno ang sasakyan.

“M-Manong, bakit—”

Hindi na niya naituloy ang sasabihin nang makita ang humarang na kulay itim na van sa daan. Takot na kinabig niya payakap si Sevi nang bumaba sa sasakayan mga armadong kalalakihan.

“Manong, a-atras…” takot niyang wika habang tinatapik ang balikat ng driver.

Sa halip na sundin, ay binitawan nito ang manibela ng kotse at may kinuha sa ilalim ng kinauupuan nito.

Tarantang kinuha niya ang cellphone sa kanyang bag nang maintindihan ang sitwasyon.

“Mrs. Rocc,” bati sa kanya ng isa sa mga armadong lalaki nang pumasok ito sa loob ng kotse.

“Mommy,” takot na wika ni Sevi at nagsumiksik sa baywang niya.