0224: Dessert ni Everett

Misha’s POV

Habang papalayo kami ni Everett mula sa naging eksena kanina, ramdam ko ang saya sa ginawa ko.

“Dapat na ba akong matakot sa asawa ko?” basag ni Everett sa katahimikan.

Tumawa ako. “B-bakit ka naman matatakot sa akin?” tanong ko.

“Grabe ka, anim na lalaki ang napatay mo. Kinaya mo ang mga armadong lalaking ‘yon, daig mo pa ang mga pulis,” puri niya na lalo kong kinatawa.

“Salamat sa mga natutunan ko kay Ayson,” tanging ko sagot ko nalang at saka ako tumingin sa kaniya. “Teka, parang maganda rin na maging magaling ka na rin sa pakikipaglaban. What if mag-training ka rin? Mamili ka, si Ayson ang magtuturo sa iyo o ako?” alok ko pa sa kaniya habang nakangiti.

“Pag-iisipan ko pa, pero kung papayag man ako, siyempre, ikaw na ang pipiliin kong magturo sa akin,” sagot niya. Iyon din naman ang inaasahan kong isasagot niya.

Nang makarating kami sa sasakyan ko, sinabihan ako ni Everett na sumakay sa kotse niya para makauwi kami nang sabay. Tumango lang ako at sumunod, walang imik ha