CHAPTER 26

Hindi inaalis ni Pris ang paningin sa malapad na likuran ni Arc na ngayon ay papalabas ng restaurant. Iniwan sya nitong maang sa mga sinabi, pinapipili sya nito sa hindi nya malamang dahilan. At alam nyang tama ang sinabi ng dating kaibigan, ayaw na ayaw nito nang pinaghihintay nang matagal kaya kailangan nyang magdesisyon agad. Marahan nyang sinimsim ang juice na nasa high ball glass sa ibabaw ng mesa, alam naman nyang para sa kanya iyon. Wala na si Arc pero ang kabog ng dibdib nya ay hindi manlang nabawasan, ang epekto nito sa kanya mula noon hanggang ngayon ay ganon pa rin, ito pa rin ang natatanging lalake na nakakapagpakabog nang sobra sobra sa dibdib nya.

"Arc.", mahina nyang sambit. Mukhang walang balak ang kaibigan na patahimikin sya, hindi nito hahayaang mabuhay sila ni Junior nang payapa matapos ng ginawa nya dito. Nagpasya syang umalis na lamang sa nakakasakal na lugar na iyon, ngunit pagtyo pa pa lamang niya ay dinaluhan na sya ng usher slash waiter na nasa malapit sa kany